Genesis 31:26 - Manobo Sarangani

²⁶ Minikagi si Laban diyà ki Jacob, “Medaet se ininang nikaw. Mig-akal ka kanak, aw inibing no se menge batà ko iling te otaw nedakep te mengengayaw.

Genesis 31:26 ပူးပေါင်းရင်းမြစ်များ

Genesis 34:29

Inabat dan se kedakel te keyemanan dan, aw dinakep dan se kedita te bayi aw mengisù, aw inibing dan se kedakel te awop te menge balay dan.

Genesis 31:36

Ontò neopal si Jacob, aw nenompelà sikandin ki Laban. Minikagi sikandin, “Eden lay se salà ininang ko diyà kamno? Eden lay se punù linèpangan ko so gayed a no pig-alaw?

Genesis 31:16

Inabat te Timanem se kedakel te keyemanan te amay day, aw kenitadon den iyan sipat te menge batà tadon. Yan keilangan tomolò ka te kedita te impunù te Timanem diyà kamno.”

Genesis 26:10

Minikagi si Abimelec, “Medaet se ininang no diyà kenami, so simpana leyokan te sakop ko se esawa nikaw, detengan kay te pelumun te Timanem pineokit kamno.”

Genesis 12:18

Yan impeangay te selotan si Abram, aw minikagi sikandin, “Medaet se ininang no diyà kanak, so wedà a no indani te teleesawa kaw.

Genesis 4:10

Minikagi se Timanem, “Ontò den medaet se ininang no seini. Iling te egpengenganay se dipanog din diyà kanak lekat te tanà.

Genesis 3:13

Mig-insà se Timanem diyà te bayi, “Eden lay se ininang no seini?” Timaba se bayi, “Se memokan, yan se mig-akal kanak, aw yan kimaen a.”

Genesis 2:24

Yan se doun te tomanan se meama te amay aw inay din, aw megsebad diyà te esawa din. Se didowa dan meinang sebad.

Juan 18:35

Timaba si Pilato, “Kenà a Judiyo. Meneng menge doma no Judiyo aw menge pengolo te simbahan niyo se nengibing kamno dini kanak. Indani a aw eden se salà ininang nikaw.”

Genesis 31:25

Mig-ogpà si Jacob doton te bontod te Galaad. Pegpekesaeb i Laban aw menge kedomaan din ki Jacob, mig-ogpà dan heman kidoen.

Genesis 31:27

Nengà lay mig-akal ka kanak? Nengà lay nesayo ka te wedà a no sebihi? Aw simabi ka peden kanak, yan mèpiya se pegpekesayo ko kamno, so mèpiya se keluba tadon, aw pegdelangan tadon, aw pegpedaging tadon te edel aw sista.

Genesis 29:25

Pegkeiselem niyan, kinità i Jacob te si Lea se impeipid i Laban diyà kandin, aw yan mig-insà sikandin diyà ki Laban, “Nengà lay mig-inang ka te medaet diyà kanak? Si Raquel se impakang no diyà kanak tepad te terbaho ko. Nengà lay mig-akal ka kanak?”