Genesis 31:24 - Manobo Sarangani

²⁴ Te wedà dan pa pekesaeb kandin, migpekità se Timanem diyà ki Laban te delem pineokit te tegeinep, aw minikagi sikandin, “Peg-ahà ka. Ikà egleges ki Jacob.”

Genesis 31:24 ပူးပေါင်းရင်းမြစ်များ

Genesis 24:50

Minikagi si Laban aw si Betuel, “Impetaga-taga den te Timanem se ibeg din. Eked day iyan todai.

Genesis 20:3

Meneng migpekità se Timanem diyà ki Abimelec pineokit te tegeinep, aw minikagi sikandin, “Matay ka den tandà te pegpengabat no te bayi sìyan, so tapay doen esawa din.”

Genesis 31:29

Pengkey mebatog ko se pegpeeleg kamno, meneng tidelem pinunuan a te Timanem egseligan te amay no te eked kepakay aw megleges a kamno.

Genesis 31:42

Meneng tinebangan a te Timanem egseligan te apò ko si Abraham aw amay ko si Isaac. Aw wedà a din tebangi, nenamay a nikaw den impekesayo te wedad palos ontong ko. Meneng kinità te Timanem se kelimahan ko aw pagod ko, aw yan tinompelà ka din tidelem.”

Mat. 27:19

Dalem te pegpenenoo i Pilato doton te oseyanan, doen otaw insogò te esawa din amon ikeliwat se kagi din, “Ikà eg-inabut te otaw sìyan, so wedad salà din. Ontò nelemitan se pedowan ko tepad kandin pineokit te tegeinep tidelem.”

Mat. 1:20

Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo.

Genesis 41:1

Nayan, penga te dowa se omay, migtegeinep heman se selotan. Timindeg sikandin doton te kilid te dakel wayeg iningedanan Nilo.

Genesis 40:5

Doen sebad delem migtegeinep dan, sìyan egpengibing te bino aw eg-inang te pan te selotan. Kenà onawa se tegeinep dan, aw kenà heman onawa se kedegdagan niyan.

Genesis 31:10

“Kedengan dalem te pegpebelagay te kambing, migtegeinep a. Kinità ko te beteken aw boling se kedita te kambing meama migbalag.

Genesis 28:5

Penga niyan, impekesayo i Isaac si Jacob, aw dimoton sikandin te Mesopotamya taman ki Laban batà i Betuel tege Aramea. Si Laban se meama i Rebecca, aw emayen sikandin i Jacob aw si Esau.

Mat. 2:12

Nayan, migpunù se Timanem diyà kandan pineokit te tegeinep te eked kepakay aw lomikò dan doton ki Herod. Yan se doun te minokit dan te sebad dalan te peg-olì dan doton te kandan ogpeanan.

Genesis 20:6

Minikagi se Timanem diyà kandin pineokit te tegeinep, “Ee. Netegahan ko te wedad medaet ibeg te pedowan no te peg-inang no kenyan, aw yan se doun te migsagda a kamno amon eked ka peg-inang te salà diyà kanak. Binelebagan ko se pegpedapag no diyà kandin.

Genesis 31:7

Meneng gayed a din beling inekalan, so mekesempolò din todai se pakang din tepad te itandan din diyà kanak. Meneng pineokit te tabang te Timanem kanak, wedà a din peelegi.

Genesis 31:11

Dalem te pegtegeinep ko, minikagi se anghil te Timanem diyà kanak, ‘E Jacob.’ Timaba a, ‘Seini a.’

Genesis 31:23

Yan impetaking din se menge kedomaan din, aw mig-alaw dan kandin. Penga te pito se aldaw, nekesaeb dan kandin doton te bontod te Galaad.

Genesis 31:25

Mig-ogpà si Jacob doton te bontod te Galaad. Pegpekesaeb i Laban aw menge kedomaan din ki Jacob, mig-ogpà dan heman kidoen.