Genesis 30:43 - Manobo Sarangani

⁴³ Pineokit kenyan, ontò migkeyaman si Jacob. Medita se ayam-ayam, allang, kamilo, aw asno tinig-apò din.

Genesis 30:43 ပူးပေါင်းရင်းမြစ်များ

Genesis 30:30

Kedengan te wedà a pa dateng dini, olò deitek se keyemanan nikaw. Meneng ontò ka den migkeyaman, so mèpiya se imbegay te Timanem diyà kamno pineokit te kedita te ininang ko. Meneng songkani, keilangan doen ontong te kenaken pamilya pineokit te inangen ko.”

Genesis 24:35

Ontò mèpiya se imbegay te Timanem diyà te amo ko, aw migkeyaman den sikandin. Binegayan sikandin te Timanem te medita karniro, kambing, baka, selapì, bolawan, allang, kamilo, aw asno.

Genesis 13:2

Ontò meyaman si Abram, so medita se karniro din, kambing, aw baka, aw dakel heman se selapì aw bolawan din.

Genesis 33:11

Kinewai bag se bowang seini impeibing ko diyà kamno, so mèpiya se tabang te Timanem diyà kanak, aw botong se kedònan ko.” Gayed migleges si Jacob kandin, aw yan kiminawà si Esau kenyan.

Genesis 32:10

Pelaban dakel se keido no diyà kanak wedad temanan niyan, so ontò a medanà diyà kamno. Kedengan te pegbatas ko te wayeg te Jordan pesalo doton ki Laban, wedad palos inibing ko olò bangkà. Meneng songkani doen den dowa dakel ebong ko seini.

Genesis 28:15

Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”

Genesis 12:16

Mèpiya se imbegay te selotan diyà ki Abram so etebay din si Sarai. Yan binegayan sikandin te medita karniro, kambing, baka, asno, allang, aw kamilo.

Genesis 31:42

Meneng tinebangan a te Timanem egseligan te apò ko si Abraham aw amay ko si Isaac. Aw wedà a din tebangi, nenamay a nikaw den impekesayo te wedad palos ontong ko. Meneng kinità te Timanem se kelimahan ko aw pagod ko, aw yan tinompelà ka din tidelem.”

Genesis 36:7

Minalin si Esau so kenà botong se tanà inogpaan dan si Jacob. Pelaban medita se ayam-ayam dan aw gayed dan megsebad.

Luc. 12:45

Meneng aw meg-aneng-aneng se sineligan te menamay pa se pegdateng te amo din, aw egbedasen din se doma sineligan pengkey meama aw bayi, aw gayed sikandin egpengaen aw eg-inem aw egkelasing, medaet iyan,

Genesis 30:42

Meneng aw megasà se menge ayam-ayam, wedà din soli se menge panga binetekan. Wedà kenamay, si Laban se neketig-apò te kedita te ayam-ayam megasà, aw si Jacob se neketig-apò te kedita te melambò.

Genesis 31:1

Dinineg i Jacob te migbelisì se menge bayaw din, sìyan menge batà i Laban. Minikagi dan, “Nengabat den si Jacob te kedakel te kedònan i Amà. Lekat ki Amà se kedakel te keyemanan i Jacob.”

Genesis 32:5

Medita den se baka, asno, karniro, kambing, aw allang tinig-apò ko. Simabi a den kamno Akay, tepad te pegdateng ko, so doen pa besi keido no diyà kanak.’”

Genesis 32:14

Dowa gatos se kambing bayi, kelowan se kambing meama, dowa gatos se karniro bayi, kelowan se karniro meama,