Genesis 30:24 - Manobo Sarangani

²⁴ Iningedanan i Raquel se batà din ki Jose (kelebadan niyan, dogangan), so minikagi sikandin, “Ibeg ko begayan a pa te Timanem te doma batà meama.”

Genesis 30:24 ပူးပေါင်းရင်းမြစ်များ

Genesis 35:24

Se menge batà i Jacob timebaw diyà ki Raquel, yan si Jose aw si Benjamin.

Impekità 7:8

Sempolò teg dowa heman melalan lekat ki Sabulon. Sempolò teg dowa heman melalan lekat ki Jose. Sempolò teg dowa heman melalan lekat ki Benjamin.

Genesis 37:2

Seini se indan-indan tepad te menge batà i Jacob. Nayan, sempolò teg pito se omay i Jose, aw migtelaban sikandin te menge kedowa din kakay migtonggò te menge ayam-ayam te amay dan. Se menge kedowa din, yan se menge batà meama te doma menge esawa te amay din si Bilha aw si Zilfa. Doen medaet eg-inangen te menge kedowa i Jose, aw dimoton sikandin te amay din aw mig-indan diyà kandin tepad kenyan.

Genesis 42:6

Si Jose se gobirnador kidoen te Ehipto, aw sikandin se nemeligyà te kànen diyà te kedita te otaw lekat te menge doma ogpeanan. Yan pegdateng te menge kedowa i Jose doton te Ehipto, dimoton dan kandin aw limongken dan lamig minapet se olo dan diyà te tanà.

Genesis 37:4

Pegkità te menge kedowa din te ontò sikandin nedekelan te pedowan te amay dan, nebensi dan ki Jose, aw wedad palos mèpiya kagi dan diyà kandin.

Genesis 30:25

Penga te pegtebaw i Jose, minikagi si Jacob diyà ki Laban, “Pekeseyowi a lekat dini amon mekeolì a doton te tanà tinebawan ko.