Genesis 30:20 - Manobo Sarangani

²⁰ Minikagi si Lea, “Ontò meelagà se imbegay te Timanem diyà kanak. Na, segmanen a den besi te esawa ko, so enem den se batà din meama timebaw diyà kanak.” Yan iningedanan din se batà din ki Sabulon (kelebadan niyan, sagman).

Genesis 30:20 ပူးပေါင်းရင်းမြစ်များ

Mat. 4:13

Minokit sikandin doton te lonsod te Nasarit aw dimeleg doton te lonsod te Kapirnaom aw mig-ogpà kidoen dapag te kilid te lanaw digsel te tanà te Sabulon aw Neftali.

Genesis 49:13

“Si Sabulon se meg-ogpà doton medapag te dagat. Ipegpondo se menge bapor doton te dedongan din. Tig-epoen din se tanà taman te Sidon.

Genesis 35:23

Se menge batà din meama timebaw diyà ki Lea, yan si Ruben penganay batà i Jacob, si Simeon, si Levi, si Juda, si Isacar, aw si Sabulon.

Genesis 46:14

Si Sabulon aw menge batà din meama si Sered, si Elon, aw si Jaleel.

Genesis 30:15

Minikagi si Lea, “Pengkey inagaw no se esawa ko, meneng kenà besi botong se medaet ininang no sìyan, so egawen no den heman se menge mandragora inibing te batà ko diyà kanak!” Minikagi si Raquel, “Aw ibegay no den diyà kanak se menge mandragora netelaan te batà nikaw, mepakay diyà kanak aw sikona se leyokan i Jacob kwani delem.”

Genesis 29:34

Todà miglaman si Lea, aw tinebawan heman sikandin te batà meama. Penga niyan, minikagi sikandin, “Kedekelan a den besi te pedowan te esawa ko, so tinebawan a den te telo batà din meama.” Yan iningedanan din se batà din ki Levi (kelebadan niyan, kedekelan).

Genesis 30:19

Todà miglaman si Lea, aw tinebawan sikandin te ikeenem batà meama i Jacob.

Genesis 30:21

Pegkenamay-namay, tinebawan si Lea te batà bayi, aw iningedanan din se batà din ki Dina.

Genesis 34:12

Indani a niyo aw eden se isablag ko aw ibowang ko, so pengkey eden se pemoyoen niyo, yan se ibegay ko diyà kenyo. Pepengognani a niyo bag kandin.”