Genesis 30:2 - Manobo Sarangani

² Neopal si Jacob diyà ki Raquel, aw minikagi sikandin, “Kenà a man Timanem! Sikandin se wedà pemebatà kamno.”

Genesis 30:2 ပူးပေါင်းရင်းမြစ်များ

Genesis 16:2

Yan minikagi si Sarai diyà ki Abram, “Wedad batà imbegay te Timanem diyà kanak. Yan mèpiya aw lomayok ka den diyà te allang ko amon doen pa peden batà ko pineokit kandin.” Timandù si Abram diyà te inikagi i Sarai,

Genesis 50:19

Meneng minikagi si Jose, “Ikà niyo egkelemitan kanak. Kenà ko se meg-okom kenyo, so olò Timanem se mepakay meg-okom.

Efeso 4:26

Aw doen ikeopal niyo, ikà niyo eg-inang te medaet. Pegwedadi niyo se keopal te eked pa sallep se aldaw,

Mar. 3:5

Timengteng si Jesus diyà te kedita dan, aw neopal sikandin so nelidò se pedowan din tandà te kagsen te olo dan. Penga niyan, minikagi sikandin diyà te otaw nekepis se belad, “Oladi se belad nikaw.” Peg-olad din te belad din, pegketà migkèpiya iyan.

Mat. 5:22

Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.

Genesis 31:36

Ontò neopal si Jacob, aw nenompelà sikandin ki Laban. Minikagi sikandin, “Eden lay se salà ininang ko diyà kamno? Eden lay se punù linèpangan ko so gayed a no pig-alaw?

Genesis 29:31

Pegketaga-taga te Timanem te deitek se pedowan i Jacob diyà ki Lea, impebatà din si Lea. Meneng wedà beling peglaman si Raquel.

Genesis 25:21

Nayan, wedad palos batà i Rebecca, aw yan migtawal-tawal si Isaac diyà te Timanem tepad kenyan. Nenenalan se Timanem te pinemoyò din, aw yan miglaman si Rebecca.

Genesis 20:18

Pinegolì dan te Timanem, so doen tapay ininang din diyà kandan amon eked dan peglaman tandà te pegpengabat i Abimelec te esawa i Abraham si Sara.

Luc. 1:42

Timawal sikandin te dakel se kagi din, “Diyà te kedita te bayi, sikona se binegayan te Timanem te ontò dakel keluba. Begayan din heman te keluba se batà tomebaw diyà kamno.