Genesis 30:15 - Manobo Sarangani

¹⁵ Minikagi si Lea, “Pengkey inagaw no se esawa ko, meneng kenà besi botong se medaet ininang no sìyan, so egawen no den heman se menge mandragora inibing te batà ko diyà kanak!” Minikagi si Raquel, “Aw ibegay no den diyà kanak se menge mandragora netelaan te batà nikaw, mepakay diyà kanak aw sikona se leyokan i Jacob kwani delem.”

Genesis 30:15 ပူးပေါင်းရင်းမြစ်များ

1 Korinto 4:3

Yan, pengkey eden se aneng-aneng niyo aw doma otaw tepad kanak, aw den iyan, so pengkey siak, eked a heman ikagi aw ontò mèpiya se pegtolò ko te Timanem.

Genesis 30:14

Dalem te peglegani te trigo, dimoton si Ruben te pawà, aw neketalà sikandin te menge pongo te sagbet iningedanan mandragora egpengànen te bayi meibeg megbatà. Inibing din iyan doton te inay din si Lea. Minikagi si Raquel diyà ki Lea, “Begayi a heman te menge mandragora inibing te batà nikaw.”

Genesis 30:16

Peg-olì i Jacob lekat te pawà te meapon, simongon si Lea kandin, aw minikagi sikandin, “Keilangan lomayok ka diyà kanak kwani delem, so netelaan te batà ta se menge mandragora, aw yan se imbayad ko kamno diyà ki Raquel.” Yan se doun te si Lea se lineyokan i Jacob te delem sìyan.