Genesis 3:5 - Manobo Sarangani

⁵ Minikagi se Timanem kenyan so netegahan din aw komaen kaw kenyan, megkebiyasa kaw, aw meinang kaw iling kandin, so metaga-taga kaw heman aw eden se mèpiya aw eden se medaet.”

Genesis 3:5 ပူးပေါင်းရင်းမြစ်များ

Genesis 2:17

meneng ikà egpengaen te pongo te kayo egpemegay te kebiyasa tepad te mèpiya aw medaet. So aw komaen ka kenyan, ontò ka matay te aldaw sìyan.”

Genesis 2:9

Impetilles te Timanem se medita kemolò te kayo kidoen. Mèpiya iyan tengtengen, aw mèpiya heman se pongo niyan. Dowa se kayo intanem din diyà te tengà-tengà te kekeyowan, aw yan se kayo egpemegay te pedowan wedad temanan aw kayo egpemegay te kebiyasa tepad te mèpiya aw medaet.

Genesis 3:10

Timaba sikandin, “Dinineg ko sikona doton te kekeyowan, meneng nelemitan a so migpetabeg-tabeg a, aw yan mineles a.”

Genesis 3:22

Nayan, minikagi se Timanem, “Neinang den se otaw iling kenitadon, so netegahan den dan aw eden se mèpiya aw eden se medaet. Eked den kepakay aw mengabat dan te pongo lekat te kayo mekebegay te pedowan wedad temanan, so aw komaen dan kenyan, eked dan palos kematay te wedad temanan.”

Genesis 3:7

Pegpengaen dan kenyan, migkebiyasa dan aw netegahan dan te migpetabeg-tabeg dan. Yan tinebil dan se dawen te kayo igira amon doen isampeng te sinelowan dan.

Mat. 6:23

Meneng aw medaet se mata, iling te mengitngit se pegtengteng din pengkey aldaw. Iling heman kenyan, aw medaet se pedowan te otaw, ontò medaet se kedita te eg-inangen din.”

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

2 Korinto 11:3

Meneng nelemitan a aw metodà se ibeg niyo tomaking ki Cristo. Iling kenyan se peg-akal i Satanas ki Eva gebii pineokit te peg-akal te memokan kandin.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

2 Tesalonika 2:4

Meneng onà sikandin megpoon te kedita egtewalen timanem aw egsimbahen. Megpelangkaw sikandin diyà te kedita niyan, so mawop heman sikandin te simbahan te Timanem, aw menenoo sikandin kidoen, so mikagi te sikandin se Timanem.

Impekità 13:14

Doen menge kepelahan impeinang te tagnà menenanap pineokit te ikedowa, aw yan se doun te nekeakal sikandin te kedita te otaw eg-ogpà kidoen te keneyonan. Migpunù heman kandan amon meg-inang dan te inotaw ipesopo te tagnà menenanap, sìyan nepelian te sondang meneng wedà kematay.

Impekità 13:4

Egsimbahen te otaw se nagan, so ininang din egpengolo se menenanap mebolot. Egsimbahen dan heman se menenanap mebolot, aw minikagi dan, “Wedad palos labi pa mèpiya diyà te menenanap mebolot, aw wedad heman mekedaeg kandin.”