Genesis 3:17 - Manobo Sarangani

¹⁷ Minikagi se Timanem diyà te meama, “Nenenalan ka diyà te esawa nikaw, aw kimaen ka te pongo te kayo impunù ko kamno. Tandà te salà no sìyan, inangen ko heman medaet se tanà. Keilangan gayed ka megterbaho taman te pegkematay nikaw, amon botong se kànen nikaw.

Genesis 3:17 ပူးပေါင်းရင်းမြစ်များ

Genesis 5:29

Iningedanan din se batà din ki Noe (kelebadan niyan, peg-etod), so minikagi sikandin, “Seini se otaw megpeetod kenitadon lekat te kelimahan te terbaho tadon dini te tanà seini ininang te Timanem medaet.”

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Roma 3:19

Na, netegahan tadon te yan se kagi te Timanem tepad te kedita tadon menge Judiyo, so kemonaan tadon se kineliwatan i Moises te menge punù. Yan eked kidon pekeikagi te wedad salà tadon, so okomen te Timanem se kedita te otaw te keneyonan.

Luc. 19:22

Minikagi se selotan, ‘Ontò medaet se ininang nikaw. Pineokit te inikagi no sìyan, impetaga-taga no den te keilangan ipelumun ta. Minikagi ka te ontò a mebolot, so eg-ebaten ko se wedà ko kepegodi, aw eglegeniyen ko se intanem te doma otaw. Aw netegahan no iyan,

Mat. 25:45

Tomaba a, ‘Eneng-enengi niyo se kagi ko seini. Pineokit te wedà kaw pegtabang te ontò medanà otaw egtaking kanak, wedà a niyo tebangi.’

Genesis 3:11

Mig-insà se Timanem, “Sinu lay se mig-indan kamno te migpetabeg-tabeg ka? Kimaen ka lay te pongo te kayo impunù ko kamno?”

Genesis 3:6

Penga niyan, kimità se bayi te mèpiya kànen se pongo te kayo sìyan, aw mèpiya se bawa niyan, aw mig-aneng-aneng sikandin te mèpiya aw megkebiyasa sikandin. Yan se doun te inabat din se pongo niyan aw kinaen din iyan. Doen heman imbegay din diyà te esawa din, aw kinaen din heman iyan.

Mat. 22:12

Minikagi se selotan, ‘Elew, nengà lay dimini ka te wedad saol no iling te keilangan gemiten te otaw tomanod te peipid?’ Meneng wedad palos intaba din.

Menge Hebreo 6:8

Meneng medaet se pawà egtoboan olò te benganga aw menge doma kemolò te sagbet, so wedad kekemowan niyan. Aw iling kenyan se otaw, agpet dan detengan te pelumun te Timanem.

Genesis 3:18

Gayed tomilles se sagbet aw tigis kidoen te tanà, aw keilangan mahà ka heman te kànen egtobò doton te kebenesan tandà te kelimahan nikaw.

Genesis 8:21

Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.