Genesis 3:16 - Manobo Sarangani

¹⁶ Minikagi se Timanem diyà te bayi, “Ontò ko dogangan se kelimahan te pegbatà nikaw. Aw tebawan ka, elegen ka. Meneng ontò ka meibeg te kamno esawa, aw mengolo sikandin diyà kamno.”

Genesis 3:16 ပူးပေါင်းရင်းမြစ်များ

Genesis 4:7

Aw metòlid se inangen nikaw, yan meluba a kamno. Meneng aw eked ka peg-inang te metòlid, delisegen ka den i Satanas amon meg-inang ka te salà. Dàgen ka peden te peg-inang no te salà, meneng keilangan domaeg ka kenyan.”

Juan 16:21

Eneng-enengi niyo ini. Aw doen bayi tebawan, yan se kesekitan aw domateng se aldaw te pegtebaw. Meneng penga te pegtebaw te batà din, kelibelan din se kesakit tandà te keluba din, so doen batà din timebaw.

1 Korinto 11:3

Meneng ibeg ko ketegahan niyo ini. Si Cristo, yan se olo te kedita te meama, aw se meama yan se olo te esawa din, aw se Timanem Amay yan se olo i Cristo.

1 Korinto 14:34

egkepenek se menge bayi doton te simbahan, so eked kepakay aw mikagi dan. Doen heman kagi te Timanem insolat, te keilangan tomolò se bayi te meama.

1 Korinto 7:4

So diyà te otaw mengognan, eked ketig-apò te bayi se kandin lawa, meneng metig-apò te kandin esawa. Onawa heman niyan se meama, eked sikandin peketig-apò te kandin lawa, meneng metig-apò te kandin esawa.

Kolasas 3:18

Na, sikiyo menge bayi doen esawa, keilangan tomolò kaw te esawa niyo, so yan se mèpiya inangen te menge sakop te Pengolo tadon.

1 Tesalonika 5:3

Aw mikagi se menge otaw te wedad samok aw wedad kelemitanan, yan pegketà detengan dan te mekebebaet, iling te pegtebò te mesakit domateng te bayi agpet tebawan. Eked dan pekelowà lekat kenyan.

1 Timoteo 2:13

so si Adam se monà ininang te Timanem, aw penga niyan si Eva.

1 Timoteo 2:15

Meneng aw gayed somalig se menge bayi diyà te Timanem, aw dakel se pedowan dan, aw metòlid se eg-inangen dan, aw eked dan pegpeduyun, doen kelowaan dan pineokit te pegpemetebaw dan.

Tito 2:5

Megtoladà dan heman te menge kaling bayi te keilangan megpetikbel dan, aw megpelobos te pedowan dan diyà te esawa dan. Keilangan megpekeaseb dan megterbaho. Keilangan tomolò dan te esawa dan. Aw iling kenyan se eg-inangen dan, wedad otaw mekesila te kagi te Timanem ipegtoladà tadon.