Genesis 3:1 - Manobo Sarangani

¹ Nayan, diyà te kedita te menge menenanap ininang te Timanem, memokan se ontò biyasa eg-akal. Mig-insà se memokan diyà te bayi, “Benal lay migpunù se Timanem kenyo te eked kaw kaen te pongo te kedita te kayo dini te kekeyowan?”

Genesis 3:1 ပူးပေါင်းရင်းမြစ်များ

Mat. 10:16

“Nayan, peg-ahà kaw amon eked kaw pemilangi te menge mededaet otaw, so iling kaw te ayam-ayam karniro binenganan te menenanap te kebenesan iningedanan lobo. Yan keilangan ontò kaw megpekebiyasa, aw keilangan wedad palos inangen niyo medaet.

Mat. 4:3

Dimateng si Satanas aw minikagi sikandin, “Aw ontò ka Batà te Timanem, inangi pan se menge bato seini pineokit te tolos no amon doen kànen nikaw.”

Mat. 4:6

Minikagi si Satanas, “Nayan, aw ontò ka Batà te Timanem, kahang ka. Eked ka elegi, so doen kagi te Timanem insolat, ‘Isogò te Timanem se menge anghil amon meg-ipat dan kamno.’ Doen heman kagi te Timanem insolat, ‘Ewidan ka te menge anghil, aw engaten ka dan amon eked ka kesongkol te bato.’”

Mat. 4:9

Minikagi si Satanas, “Aw lomongken ka diyà kanak aw simbahen a nikaw, ibegay ko diyà kamno se kedita te ogpeanan sìyan, amon lomowan ka diyà te kedita te otaw kidoen.”

2 Korinto 11:14

Meneng eked tadon kepelahi se eg-inangen dan, so iling dan ki Satanas egpelingo-lingo te sikandin se sebad anghil insogò te Timanem.

2 Korinto 11:3

Meneng nelemitan a aw metodà se ibeg niyo tomaking ki Cristo. Iling kenyan se peg-akal i Satanas ki Eva gebii pineokit te peg-akal te memokan kandin.

1 Pedro 3:7

Sikiyo heman menge meama doen esawa, keilangan meg-ipat kaw kandan aw megsagman kaw heman kandan. Labi dan pa melomay diyà te meama, meneng kenà olò meama se egbegayan te kaling pedowan wedad temanan, so bayi heman se egbegayan kenyan. Keilangan megsagman kaw te kenyo esawa amon wedad mekebelabag te pegtawal-tawal niyo diyà te Timanem.

Impekità 12:15

Pengkey impelowà te nagan se dakel wayeg lekat te bahà din amon enoden din,

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.

Impekità 20:2

Dinakep din se nagan, yan se memokan gebii, si Satanas. Yan se ginapos din lamig mepenga se sebad melalan se omay.