Genesis 29:4 - Manobo Sarangani

⁴ Mig-insà si Jacob te menge telediyaga, “Elew, kenan kaw lay lekat?” Timaba dan, “Lekat kay te Haran.”

Genesis 29:4 ပူးပေါင်းရင်းမြစ်များ

Genesis 28:10

Nesayo si Jacob lekat te Berseba aw minipanaw sikandin migpesalo doton te Haran.

Genesis 27:43

Na Atò, tolò ka den kanak. Kadas ka den, aw doton ka te meama ko si Laban kidoen te Haran.

Ininang 7:4

Timolò si Abraham, aw nesayo lekat te Kaldiya, aw mig-ogpà doton te Haran. Pegkematay te amay din, impealin te Timanem si Abraham dini te ogpeanan tadon.

Ininang 7:2

Timaba si Esteban, kagi din, “Menge kedowa aw emayen ko, penenalan kaw kanak. Gebii pa te peg-ogpà i Abraham doton te Mesopotamya, te wedà pa alin doton te Haran, migpekità se Timanem diyà kandin lekat te langit.

Genesis 24:10

Penga niyan, nengabat se sineligan te sempolò kamilo te amo din, aw inlolan din se medita kemolò te mèpiya bowang ipeibing te amo din si Abraham. Nesayo sikandin aw dimoton te lonsod inogpaan te kedowa i Abraham si Nahor kidoen te Mesopotamya.

Genesis 11:31

Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.

Genesis 29:3

Aw egketipon se kedita te karniro kidoen, egkeliden te menge telediyaga se bato lekat te awang te balon, aw egsalok dan te wayeg inemen te karniro. Penga niyan, todà dan iyan egsempengan te bato.