Genesis 29:34 - Manobo Sarangani

³⁴ Todà miglaman si Lea, aw tinebawan heman sikandin te batà meama. Penga niyan, minikagi sikandin, “Kedekelan a den besi te pedowan te esawa ko, so tinebawan a den te telo batà din meama.” Yan iningedanan din se batà din ki Levi (kelebadan niyan, kedekelan).

Genesis 29:34 ပူးပေါင်းရင်းမြစ်များ

Genesis 46:11

Si Levi aw menge batà din meama si Gerson, si Cohat, aw si Merari.

Genesis 35:23

Se menge batà din meama timebaw diyà ki Lea, yan si Ruben penganay batà i Jacob, si Simeon, si Levi, si Juda, si Isacar, aw si Sabulon.

Genesis 34:25

Pegkepenga te telo se aldaw, dalem te ineleg se kedita dan tandà te pegpemetolì dan, dimoton se dowa batà i Jacob si Simeon aw si Levi ontò meama i Dina. Nengibing dan te sondang, aw miglompak dan te lonsod sìyan. Wedad palos otaw minato kandan, aw yan inigelà dan se kedita te meama.

Genesis 4:1

Nayan, migpeleyokay si Adam aw esawa din, aw miglaman si Eva. Pegtebaw te batà din, minikagi si Eva, “Pineokit te tabang te Timanem, doen den batà ko meama.” Iningedanan din se batà din ki Cain (kelebadan niyan, doen den).

Genesis 30:20

Minikagi si Lea, “Ontò meelagà se imbegay te Timanem diyà kanak. Na, segmanen a den besi te esawa ko, so enem den se batà din meama timebaw diyà kanak.” Yan iningedanan din se batà din ki Sabulon (kelebadan niyan, sagman).

Impekità 7:7

Sempolò teg dowa heman melalan lekat ki Simeon. Sempolò teg dowa heman melalan lekat ki Levi. Sempolò teg dowa heman melalan lekat ki Isacar.