Genesis 29:32 - Manobo Sarangani

³² Miglaman si Lea aw tinebawan sikandin te batà meama. Iningedanan din se batà din ki Ruben (kelebadan niyan, kinità se kelimahan), so minikagi sikandin, “Kinità te Timanem se kelimahan ko. Kedekelan a den besi te esawa ko te pedowan.”

Genesis 29:32 ပူးပေါင်းရင်းမြစ်များ

Luc. 1:25

Minikagi sikandin, “Ontò mèpiya se tabang te Pengolo kanak, so neidowan a din. Eked a den lindoi te doma otaw.”

Genesis 42:27

Pegkedelem, minapit dan amon midegà. Doen sebad kandan mig-okal te sako din amon ipekaen se asno din, aw kinità din se kwarta diyà didalem te sako imbayad din te trigo.

Genesis 42:22

Minikagi si Ruben, “Minikagi a diyà kenyo te eked niyo sikandin peelegi, meneng wedà a niyo penenelani. Yan se doun te nelimahan kidon seini tandà te pegkematay din.”

Genesis 31:42

Meneng tinebangan a te Timanem egseligan te apò ko si Abraham aw amay ko si Isaac. Aw wedà a din tebangi, nenamay a nikaw den impekesayo te wedad palos ontong ko. Meneng kinità te Timanem se kelimahan ko aw pagod ko, aw yan tinompelà ka din tidelem.”

Genesis 16:11

Doen batà meama tomebaw diyà kamno, aw ingedanan no sikandin ki Ismael, so dimineg se Timanem te pegpengenganay no diyà kandin.

Genesis 37:29

Nayan, pegdoton i Ruben te sokian amon megpelowà ki Jose, kinità din te wedad den kidoen. Yan miglisì sikandin te saol din tandà te puluk din.

Genesis 35:22

Dalem te peg-ogpà i Jacob kidoen te tanà sìyan, limayok si Ruben diyà te sebad esawa te amay din si Bilha, aw dimineg si Jacob tepad kenyan. Sempolò teg dowa se batà meama i Jacob.

Genesis 29:31

Pegketaga-taga te Timanem te deitek se pedowan i Jacob diyà ki Lea, impebatà din si Lea. Meneng wedà beling peglaman si Raquel.

Genesis 35:23

Se menge batà din meama timebaw diyà ki Lea, yan si Ruben penganay batà i Jacob, si Simeon, si Levi, si Juda, si Isacar, aw si Sabulon.