Genesis 29:30 - Manobo Sarangani

³⁰ Limayok heman si Jacob diyà ki Raquel. Deitek se pedowan i Jacob diyà ki Lea, meneng dakel se pedowan din diyà ki Raquel. Penga niyan, migterbaho si Jacob diyà ki Laban te pito mendad se omay.

Genesis 29:30 ပူးပေါင်းရင်းမြစ်များ

Genesis 31:41

Yan se kelimahan ko dalem te kelowan se omay te pegterbaho ko diyà kamno. Sempolò teg epat se omay se pegterbaho ko diyà kamno amon isablag ko te didowa batà nikaw. Enem se omay se pegterbaho ko diyà kamno amon ibayad ko te menge ayam-ayam seini, aw mekesempolò nikaw todai se pakang no tepad te itandan no diyà kanak.

Mat. 10:37

“Aw mikagi se otaw te dakel se pedowan din diyà kanak, meneng labi pa dakel se pedowan din diyà te amay aw inay din, eked kepakay megpesakop diyà kanak. Aw mikagi se otaw te dakel se pedowan din kanak, meneng labi pa dakel se pedowan din diyà te batà din, eked kepakay megpesakop diyà kanak.

Genesis 44:27

Penga niyan, minikagi se amay day diyà kenami, ‘Netegahan niyo,’ son din, ‘te olò dowa se batà ko timebaw diyà te esawa ko si Raquel.

Genesis 29:20

Penga niyan, migterbaho si Jacob te pito se omay amon pengognanen din si Raquel, meneng diyà te aneng-aneng i Jacob, iling te pilabok olò se aldaw sìyan so dakel se pedowan din diyà ki Raquel.

Genesis 29:18

Ontò dakel se pedowan i Jacob diyà ki Raquel, aw yan minikagi sikandin, “Aw mepakay pengognanen ko si Raquel, megterbaho a dini kamno te pito se omay.”

Juan 12:25

Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey eked keleyati se omol din dini te keneyonan, begayan sikandin te kaling pedowan wedad temanan.

Genesis 44:20

Timaba kay te doen amay day temoay, aw doen adi day timebaw te pegketemoay te amay day. Sikandin olò se nesamà diyà te dowa batà te inay din, so nematay se kakay din. Ontò sikandin egkedekelan te amay day te pedowan.

Genesis 31:15

Eg-aneng-aneng den sikandin te iling kay te kenà batà din. Imbeligyà kay din iling te allang, aw neamin den se imbayad no diyà kandin.

Genesis 29:31

Pegketaga-taga te Timanem te deitek se pedowan i Jacob diyà ki Lea, impebatà din si Lea. Meneng wedà beling peglaman si Raquel.

Luc. 14:26

“Aw meibeg se otaw tomaking kanak, eked ko sikandin inangi tinoledaan ko singed aw sebad ko se tekingan din. Eked kepakay aw tekingan din heman se amay din, aw inay din, aw esawa din, aw batà din, aw menge kedowa din, aw pengkey ibeg te pedowan din.

Mat. 6:24

“Wedad otaw meketolò te dowa amo din. Aw megpelenged sikandin diyà te sebad, eked sikandin tolò te sebad. Sebad olò se tekingan din, aw eked din segmani se sebad. Iling heman kenyan, eked pegsebad se pegpenimanem niyo aw pegpengewarta niyo.

Genesis 29:17

Mèpiya tengtengen se mata i Lea, meneng ontò beling mèpiya se bawa i Raquel egtengtengen.

Genesis 29:29

Imbegay heman i Laban se allang din bayi si Bilha diyà ki Raquel amon megtelaban kandin.