Genesis 29:2 - Manobo Sarangani

² Dimateng sikandin doton te balon te wayeg binengbangan kidoen mediyò te lonsod. Kinità din se telo ebong te menge karniro minibat medapag te balon. Netipon se karniro so eg-inem dan kidoen. Mebelad se bato insampeng diyà te balon sìyan.

Genesis 29:2 ပူးပေါင်းရင်းမြစ်များ

Juan 4:6

Kidoen heman se sokian binengbangan i Jacob. Nenenoo si Jesus medapag te sokian, so migkelomay sikandin tandà te peg-ipanaw din. Menge alas dosi den.

Impekità 7:17

so egtonggoan dan te Karniro tangkil te onsedanan te peglowan. Ibingen din dan doton te olo te wayeg mekebegay te kaling pedowan wedad temanan. Ebaten heman te Timanem se kedita te puluk dan.”

Juan 4:14

Meneng se otaw minem te wayeg ibegay ko kandin, yan se eked todà palos kelao. Se wayeg ibegay ko kandin, yan se meinang selep kidoen kandin egtebolan te wayeg mekebegay te kaling pedowan wedad temanan.”

Genesis 24:13

Na, dini a den te sokian seini selokan kwani te menge laga eg-ogpà dini.

Genesis 24:11

Pegdateng din doton, ontò den meapon, aw yan se oras te pegsalok te menge bayi. Minapit sikandin doton te sokian kidoen te lowà te lonsod, aw impeetod din se menge kamilo din kidoen.

Genesis 24:10

Penga niyan, nengabat se sineligan te sempolò kamilo te amo din, aw inlolan din se medita kemolò te mèpiya bowang ipeibing te amo din si Abraham. Nesayo sikandin aw dimoton te lonsod inogpaan te kedowa i Abraham si Nahor kidoen te Mesopotamya.

Genesis 29:3

Aw egketipon se kedita te karniro kidoen, egkeliden te menge telediyaga se bato lekat te awang te balon, aw egsalok dan te wayeg inemen te karniro. Penga niyan, todà dan iyan egsempengan te bato.