Genesis 29:18 - Manobo Sarangani

¹⁸ Ontò dakel se pedowan i Jacob diyà ki Raquel, aw yan minikagi sikandin, “Aw mepakay pengognanen ko si Raquel, megterbaho a dini kamno te pito se omay.”

Genesis 29:18 ပူးပေါင်းရင်းမြစ်များ

Genesis 34:12

Indani a niyo aw eden se isablag ko aw ibowang ko, so pengkey eden se pemoyoen niyo, yan se ibegay ko diyà kenyo. Pepengognani a niyo bag kandin.”

Genesis 31:41

Yan se kelimahan ko dalem te kelowan se omay te pegterbaho ko diyà kamno. Sempolò teg epat se omay se pegterbaho ko diyà kamno amon isablag ko te didowa batà nikaw. Enem se omay se pegterbaho ko diyà kamno amon ibayad ko te menge ayam-ayam seini, aw mekesempolò nikaw todai se pakang no tepad te itandan no diyà kanak.

Genesis 29:30

Limayok heman si Jacob diyà ki Raquel. Deitek se pedowan i Jacob diyà ki Lea, meneng dakel se pedowan din diyà ki Raquel. Penga niyan, migterbaho si Jacob diyà ki Laban te pito mendad se omay.

Genesis 29:20

Penga niyan, migterbaho si Jacob te pito se omay amon pengognanen din si Raquel, meneng diyà te aneng-aneng i Jacob, iling te pilabok olò se aldaw sìyan so dakel se pedowan din diyà ki Raquel.

Genesis 24:67

Inibing i Isaac si Rebecca doton didalem te tolda tapay inogpaan te inay din si Sara. Pinengognan din si Rebecca, aw ontò dakel se pedowan i Isaac diyà kandin. Yan nesinalay si Isaac tepad te pegkematay te inay din.

Genesis 29:19

Minikagi si Laban, “Mèpiya aw sikona se ipepengognan ko diyà kandin, so sikona se labi mèpiya diyà te menge doma otaw mengognan peden kandin. Na, pegterbaho ka den diyà kanak.”

Genesis 30:26

Ikà egtameng te menge esawa ko aw menge batà ko, so yan se ontong tepad te terbaho ko diyà kamno. Mesayo kay den. Netegahan no te mèpiya se terbaho ko diyà kamno.”