Genesis 28:22 - Manobo Sarangani

²² Se bato seini impetindeg ko, yan se inangen ko simbahan kamno, aw ibegay ko heman diyà kamno se ikesempolò ketengà te keyemanan ibegay no diyà kanak.”

Genesis 28:22 ပူးပေါင်းရင်းမြစ်များ

Genesis 35:7

Mig-inang sikandin te sonoganan te ayam-ayam kidoen, aw iningedanan din se tanà sìyan Timanem te Betel, so migpekità se Timanem diyà kandin kidoen kedengan te pegkadas din lekat te kedowa din.

Genesis 14:20

Iduyun se Timanem Melangkaw, so tinebangan ka din te pegdaeg no te menge poon nikaw.” Penga niyan, nemegay si Abram diyà kandin te ikesempolò ketengà te kedita neabat din lekat te epat selotan dinaeg din.

Genesis 35:1

Nayan, minikagi se Timanem diyà ki Jacob, “Doton ka den te Betel, aw peg-ogpà ka den kidoen. Peg-inang ka te sonoganan te ayam-ayam kidoen amon megsimba ka kanak, so siak se Timanem migpekità diyà kamno kedengan te pegkadas no lekat te kedowa no si Esau.”

Genesis 33:20

Mig-inang si Jacob te sonoganan te ayam-ayam ibegay diyà te Timanem, aw iningedanan din iyan El Elohe Israel (kelebadan niyan, magsen se Timanem egseligan i Israel).

Genesis 28:17

Migpeso sikandin, aw minikagi, “Kelemitanan se ogpeanan seini. Balay ini te Timanem. Seini se tetakep te lelebangan te langit.”

Genesis 12:8

Penga niyan, dimeleg sikandin pesalo doton te menge bontod lenged te eglibtakan te lonsod te Betel. Mig-ogpà sikandin diyà te tengà-tengà te lonsod te Betel aw Ai. Lenged te egsellepan se lonsod te Betel, aw lenged te eglibtakan se lonsod te Ai. Mig-inang heman sikandin te sonoganan te ayam-ayam kidoen, aw migsimba sikandin te Timanem.

Genesis 21:33

Penga niyan, nenanem si Abraham te kayo tamarisko doton te Berseba, aw migtawal-tawal sikandin diyà te Timanem wedad temanan.

Genesis 47:24

Aw doen geniyen niyo, keilangan ibegay niyo se tengà te lima diyà te selotan. Kenyo se samà amon doen benì ipanggas niyo aw amon doen kànen niyo aw menge pamilya niyo.”

Genesis 47:26

Yan migpunù si Jose doton te Ehipto te keilangan ibegay dan diyà te selotan se tengà te lima diyà te kedakel te geniyen dan, aw yan se punù egtoloen dan lamig songkani. Olò tanà te menge egpengibing te simbahan dan se wedà ketig-apò te selotan.