Genesis 28:18 - Manobo Sarangani

¹⁸ Pegkeiselem niyan, inabat i Jacob se bato inolonan din, aw impetindeg din iyan amon inangen din iyan kekitaan. Penga niyan, tinoyongan din iyan te lana te olibo, so yan se pengilala te ininang din iyan simbahan te Timanem.

Genesis 28:18 ပူးပေါင်းရင်းမြစ်များ

Genesis 35:14

Kidoen tepad te inikegiyan te Timanem diyà kandin, impetindeg i Jacob se bato ininang din kekitaan. Penga niyan, tinoyongan din iyan te bino aw lana te olibo, so yan se pengilala te ininang din iyan simbahan te Timanem.

Genesis 31:45

Penga niyan, inabat i Jacob se dakel bato, aw impetindeg din iyan amon meinang kekitaan.

Genesis 35:20

Impetindeg i Jacob se dakel bato kidoen te lebeng din amon doen kekitaan kenyan, aw kidoen pa iyan te lebeng din lamig songkani.

Genesis 31:13

Siaken se Timanem migpekità diyà kamno kedengan kidoen te Betel. Kidoen ininang no kekitaan se bato tinoyongan no te lana, aw migpakang ka heman kanak. Na, kesayo ka den lekat te ogpeanan seini, aw olì ka den doton te tanà tinebawan nikaw.’”

Genesis 22:3

Pegkeiselem niyan, limapos si Abraham nengayo, aw inlolan din iyan diyà te asno din. Impetaking din se batà din si Isaac aw dowa sineligan din, aw nesayo dan pesalo doton te tanà sinogoan te Timanem kandin.

Genesis 28:11

Meneng pegsallep te aldaw, minidegà sikandin diyà te dalan. Minibat sikandin diyà te tanà amon tomedogi, aw bato se inolonan din.

Genesis 21:14

Pegkeiselem niyan, limapos si Abraham nemegay te kànen aw sesalok nepenò te wayeg diyà ki Agar amon bebaen din, aw impekesayo din si Agar aw batà din. Dimoton dan te kebigtilan te Berseba, aw miglegeb-legeb dan kidoen.