Genesis 28:15 - Manobo Sarangani

¹⁵ Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”

Genesis 28:15 ပူးပေါင်းရင်းမြစ်များ

Genesis 26:24

Pegkedelem niyan, migpekità se Timanem diyà kandin, aw minikagi sikandin, “Siaken se Timanem egseligan te amay no si Abraham. Ikà egkelemitan, so egdomaan ta. Mèpiya se ibegay ko diyà kamno, aw inangen ko ontò medita se bowad-bowad nikaw, so yan se impakang ko diyà ki Abraham gayed timolò kanak.”

Genesis 31:3

Minikagi se Timanem diyà ki Jacob, “Olì ka den doton te tanà inogpaan te amay nikaw, apò nikaw, aw menge kedomaan nikaw. Domaan ta sikona.”

Genesis 26:3

Peg-ogpà ka dini, aw yan megtabang a kamno, aw mèpiya se ibegay ko diyà kamno. Ibegay ko se kedakel te tanà seini diyà kamno aw diyà te menge bowad-bowad nikaw, so tomanen ko se impakang ko diyà te amay no si Abraham.

Mat. 24:35

Doen temanan te langit aw tanà, meneng gayed metoman se kagi ko te wedad temanan.”

Mat. 18:20

Pengkey olò dowa aw telo se otaw metipon amon megsimba kanak, kidoen a heman doma dan.”

Mat. 28:20

Pegtoladà kaw kandan te keilangan tomolò dan te kedita te impunù ko diyà kenyo. Na, gayed a meg-ipat kenyo pengkey lamig te temanan te keneyonan.”

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

Genesis 48:21

Penga niyan, minikagi si Jacob diyà ki Jose, “Nayan, agpet den se aldaw te pegkematay ko, meneng ipaten ka pa te Timanem, aw ipeolì din se menge bowad-bowad ta te modi aldaw doton te tanà inogpaan te menge kemonaan ta gebii.

Judas 1:1

Se solat seini lekat kanak si Judas, kedowa i Santiago, aw sineligan i Jesu Cristo. Seini se solat ko te kedita niyo tinawal te Timanem. Egkedekelan kaw te Timanem Amay tadon te pedowan, aw eg-ipaten kaw i Jesu Cristo.

Genesis 39:21

Meneng tinebangan sikandin te Timanem, aw gayed dakel se pedowan te Timanem kandin. Neluba se otaw egbantay te keleboso ki Jose,

Genesis 39:2

Tinebangan te Timanem si Jose, aw mèpiya se kedita te eg-inangen din. Ininang sikandin sineligan doton te balay te amo din sìyan tege Ehipto.

Genesis 48:16

Sikona se migpelowà kanak amon wedad memeeleg kanak. Ibeg ko mèpiya se ibegay no diyà te didowa telaki seini. Ibeg ko eked palos kelibeli se ngadan ko aw ngadan te menge kemonaan ko si Abraham aw si Isaac pineokit te didowa apò ko seini. Ibeg ko heman, megkedita se batà dan aw menge bowad-bowad dan.”

Genesis 32:9

Penga niyan, migtawal-tawal si Jacob, “E Timanem egseligan te apò ko si Abraham aw amay ko si Isaac. Pengolo ko, sikona se minikagi diyà kanak te keilangan molì a doton te tanà tinebawan ko aw menge kedomaan ko, aw migpakang ka heman te dakel se ibegay no diyà kanak.

Genesis 46:4

Domoma a kenyo te pegdoton niyo te Ehipto, aw ibingen ko heman se menge bowad-bowad nikaw molì dini te Canaan. Aw matay ka, si Jose se meglebeng kamno.”

Genesis 21:20

Mèpiya se imbegay te Timanem diyà te telaki sìyan. Pegtilles din, mig-ogpà sikandin doton te kebigtilan, aw ontò sikandin metomawan egpemanà.

Genesis 31:5

Pegdateng dan doton, minikagi si Jacob, “Kinità ko te deitek den se pedowan te amay niyo diyà kanak, so kenà den iling te kedakel te pedowan din kedengan. Meneng gayed a egdomaan te Timanem egseligan te amay ko.

Genesis 31:13

Siaken se Timanem migpekità diyà kamno kedengan kidoen te Betel. Kidoen ininang no kekitaan se bato tinoyongan no te lana, aw migpakang ka heman kanak. Na, kesayo ka den lekat te ogpeanan seini, aw olì ka den doton te tanà tinebawan nikaw.’”

Genesis 35:3

Pegpeketagad kaw den, so domoton kidon te Betel. Meg-inang a te sonoganan te ayam-ayam kidoen amon megsimba a te Timanem. Pegdateng te kelimahan diyà kanak kedengan, tinebangan a din, aw gayed a din egdomaan pengkey kenan a pesalo.”

Genesis 30:25

Penga te pegtebaw i Jose, minikagi si Jacob diyà ki Laban, “Pekeseyowi a lekat dini amon mekeolì a doton te tanà tinebawan ko.