Genesis 27:41 - Manobo Sarangani

⁴¹ Gayed nebensi si Esau ki Jacob so migtawal-tawal se amay dan amon si Jacob se begayan te Timanem te ontò mèpiya. Minikagi si Esau, “Eked den kenamay matay si Amà, aw penga niyan imetayan ko si Jacob.”

Genesis 27:41 ပူးပေါင်းရင်းမြစ်များ

Genesis 37:4

Pegkità te menge kedowa din te ontò sikandin nedekelan te pedowan te amay dan, nebensi dan ki Jose, aw wedad palos mèpiya kagi dan diyà kandin.

Genesis 37:8

Minikagi se menge kedowa din, “Eden no aw meinang ka selotan day. Eden no aw lomowan ka diyà kenami.” Penga niyan, labi dan pa nebensi kandin tandà te tegeinep din aw tandà te inikagi din diyà kandan.

Genesis 32:6

Peglikò te otaw insogò i Jacob, minikagi dan, “Dimoton kay te kedowa no si Esau, aw nesayo den sikandin amon somongon kamno. Epat gatos se otaw impetaking din.”

Tito 3:3

so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.

Genesis 35:29

Ontò sikandin temoay te pegkematay din. Nebogtò se pedowan din, aw neketelokon sikandin te menge kemonaan din nematay. Inlebeng te batà din si Esau aw si Jacob se lawa din.

Genesis 32:11

Tebangi a bag seini amon eked a peelegi te kedowa ko si Esau. Nelemitan a aw lomompak sikandin diyà kenami, aw megelà se kedita day sipat te menge esawa ko aw menge batà ko.

Genesis 27:42

Pegketaga-taga i Rebecca tepad te inikagi i Esau, impeangay din si Jacob, aw minikagi sikandin, “Miglalang den ekon si Esau mengimatay kamno amon meabat se kebensi din.

Genesis 32:3

Doen menge otaw insogò i Jacob impeonà din doton te kedowa din si Esau kidoen te tanà te Edumea.

Genesis 50:2

Penga niyan, migpunù si Jose te ipebalsamar te otaw biyasa se lawa te amay din.

Genesis 37:18

Pengkey mediyò pa sikandin, kimilala se menge kedowa din kandin. Te wedà pa sikandin dateng doton kandan, miglalang dan te imetayan dan sikandin.

Genesis 50:15

Nayan, so nematay den si Jacob, migpebelaw-belaway se menge kedowa i Jose, kagi dan, “Megmeno kidon aw keopalan kidon den i Jose, aw megmalit den sikandin kenitadon tandà te medaet ininang tadon kandin?”