Genesis 27:27 - Manobo Sarangani

²⁷ Dimoton si Jacob aw nengadek te amay din. Peg-adek i Isaac te penenaktun din, migtawal-tawal sikandin, “Mèpiya se nadeg te batà ko, iling te nadeg te tanà binegayan te Timanem te mèpiya.

Genesis 27:27 ပူးပေါင်းရင်းမြစ်များ

Menge Hebreo 6:7

Ipolingun ko se kedita te otaw iling te pawà gayed eg-odanan. Mèpiya se pawà egtoboan te menge tinanem, so doen kekemowan te otaw menanem kidoen. Aw iling kenyan se otaw, begayan dan te Timanem te ontong.

Genesis 26:12

Te omay sìyan, nenanem si Isaac kidoen, aw minongo iyan te ginatos. Dakel se ginani din so mèpiya se imbegay te Timanem diyà kandin.

Menge Hebreo 11:20

Simalig heman si Isaac diyà te Timanem, so minikagi sikandin diyà te batà din si Jacob aw si Esau te begayan dan te Timanem te mèpiya.

Genesis 27:15

Penga niyan, inabat i Rebecca se mèpiya saol i Esau intagò kidoen te balay, aw impesaol din iyan ki Jacob.

Genesis 27:26

Penga niyan, minikagi si Isaac, “Diyà ka Atò, aw pengadek ka kanak.”

Genesis 48:10

Tabag den medaet se mata i Jacob so migketemoay den sikandin, aw yan wedà nael sikandin kità. Inibing i Jose se batà din, aw yan kinelesan dan i Jacob aw inedekan din dan.

Genesis 27:39

Minikagi si Isaac diyà kandin, “Meg-ogpà ka doton te tanà wedad kelambò aw eked elemi te namog.

Genesis 48:15

Penga niyan, migtawal-tawal sikandin amon begayan te Timanem si Jose te mèpiya, kagi din, “E Timanem, sikona se egseligan te menge kemonaan ko si Abraham aw si Isaac. Sikona se gayed mig-ipat kanak lamig songkani.