Genesis 27:19 - Manobo Sarangani

¹⁹ Timaba si Jacob, “Siak se penganay batà no si Esau. Timolò a den te impunù no kanak. Enaw ka den, aw kaen ka den te pengelapen inibing ko, amon megtawal-tawal ka amon mèpiya se ibegay te Timanem diyà kanak.”

Genesis 27:19 ပူးပေါင်းရင်းမြစ်များ

Genesis 27:21

Penga niyan, minikagi si Isaac diyà ki Jacob, “Atò, pegpedapag ka diyà kanak amon pemàdan ta. Ontò ka lay batà ko si Esau?”

Genesis 27:4

Peg-elomo ka te pengelapen mèpiya se nanam iling te egkeibegan ko amon kànen ko iyan. Penga niyan te eked a pa kematay, megtawal-tawal a amon mèpiya se ibegay te Timanem diyà kamno.”

Genesis 25:25

Melalag se tagnà timebaw, aw bolbolen se lawa din, aw yan iningedanan dan sikandin ki Esau (kelebadan niyan, bolbolen).

Genesis 25:28

Ontò dakel se pedowan i Isaac diyà ki Esau, so ibeg din egpengànen se menge menenanap te kebenesan egpenaen i Esau. Meneng ontò dakel beling se pedowan i Rebecca diyà ki Jacob.

Genesis 27:18

Dimoton si Jacob te amay din, aw minikagi sikandin, “Amà.” Minikagi si Isaac, “Ee, Atò. Sinu ka lay?”

Genesis 27:31

Mig-elomo heman sikandin te kànen mèpiya se nanam, aw inibing din iyan doton te amay din. Minikagi sikandin, “Amà, enaw ka den aw kaen ka den te pengelapen inibing ko, amon megtawal-tawal ka amon mèpiya se ibegay te Timanem diyà kanak.”

Genesis 27:35

Meneng minikagi si Isaac, “Neekalan a te adi nikaw, aw neabat din den se itawal-tawal ko peden tepad kamno.”

Genesis 27:45

Aw kelibelan din se ininang no diyà kandin, ipeangay ta amon mekeolì ka dini. Keilangan komadas ka den, so eked a keibeg aw dowa kaw telekedowa se matay dalem te sebad se aldaw.”