Genesis 26:7 - Manobo Sarangani

⁷ Peg-insà te menge meama kidoen tepad te esawa din, minikagi sikandin, “Etebay ko sikandin.” Wedà sikandin ikagi te teleesawa dan, so nelemitan sikandin. Mig-aneng-aneng sikandin te imetayan sikandin te menge meama kidoen amon egawen dan si Rebecca, so ontò mèpiya se bawa din.

Genesis 26:7 ပူးပေါင်းရင်းမြစ်များ

Genesis 12:11

Pegkedapag dan doton te Ehipto, minikagi si Abram diyà te esawa din si Sarai, “Mèpiya ka bayi tengtengen.

Genesis 12:13

Yan ikagi ka kandan te telekedowa ki amon eked a dan imetayi, meneng segmanen a dan beling so etebay ta.”

Genesis 12:15

Pegkità te menge opisyal te selotan kandin, mig-indan dan te selotan tepad te kèpiya din, aw yan impeogpà din si Sarai doton te balay din.

Genesis 20:11

Timaba si Abraham, “Mig-aneng-aneng a te wedad otaw dini egsagman te Timanem, aw yan doen otaw mengimatay kanak amon egawen dan se esawa ko.

Genesis 20:2

minikagi si Abraham diyà te menge tege Gerara te etebay din se esawa din si Sara. Yan se doun te impeangay si Sara te selotan te Gerara si Abimelec amon inangen din esawa din.

Genesis 20:5

Si Abraham se minikagi diyà kanak te etebay din sikandin, aw minikagi heman se bayi te telekedowa dan. Pegpengabat ko kandin, wedad palos medaet ibeg te pedowan ko, aw wedad palos salà ininang ko.”

Genesis 24:16

Laga pa si Rebecca, aw ontò mèpiya se bawa din. Wedà palos sikandin leyoki te meama. Dimoton sikandin te sokian, aw simalok, aw limikò sikandin.

Genesis 26:6

Yan mig-ogpà si Isaac doton te Gerara.

Genesis 26:8

Pegkenamay-namay te peg-ogpà i Isaac kidoen te Gerara, dimelowang si Abimelec selotan te menge tege Filisti, aw kinità din si Isaac aw si Rebecca migpekelesay.

Genesis 29:17

Mèpiya tengtengen se mata i Lea, meneng ontò beling mèpiya se bawa i Raquel egtengtengen.

Mat. 10:28

Ikà niyo egkelemitan te otaw, so olò lawa niyo se mebatog dan imetayan, kenà pedowan niyo wedad temanan. Meneng sebad se keilangan kelemitanan niyo, aw yan se Timanem, so mebatog din pegbàtan se pedowan aw lawa te otaw doton te kilot.

Efeso 5:25

Sikiyo menge meama doen esawa, keilangan dakel se pedowan niyo te esawa niyo, aw yan meg-iling kaw ki Cristo. Dakel se pedowan i Cristo diyà te kedita tadon egpemenal, aw yan se doun te simelilin sikandin kenitadon aw nematay amon megpelowà kenitadon.

Kolasas 3:9

Ikà niyo egkebolalaw, so tinenanan niyo den se tapay pegkeotawun mig-inang te medaet kedengan,