Genesis 26:31 - Manobo Sarangani

³¹ Pegkeiselem niyan, migpesepaay dan. Penga niyan, impekesayo dan i Isaac te melinaw se pedowan te kedita dan.

Genesis 26:31 ပူးပေါင်းရင်းမြစ်များ

Menge Hebreo 6:16

Aw meibeg se otaw megpetaga-taga te metoman se pakang dan, ipesipat dan diyà te pakang se ngadan te otaw labi pa melangkaw diyà kandan. Aw iling kenyan se inangen te otaw osayan, memenal se menge doma otaw te benal se pakang din.

Genesis 31:44

Mèpiya aw megpepekangay ki den. Mèpiya heman aw doen kekitaan inangen ta amon eked ta kelibeli se pakang ta.”

Genesis 25:33

Minikagi si Jacob, “Eked a pemegay kamno singed aw onà ka megsapà.” Yan migsapà si Esau te ibegay din diyà ki Jacob se ontong ibegay te amay dan diyà te penganay batà din.

Genesis 31:55

Pegkeiselem niyan, nengadek si Laban te menge apò din aw batà din, aw migtawal-tawal sikandin amon mèpiya se ibegay te Timanem diyà kandan. Penga niyan, nesayo sikandin aw minolì.

Genesis 22:3

Pegkeiselem niyan, limapos si Abraham nengayo, aw inlolan din iyan diyà te asno din. Impetaking din se batà din si Isaac aw dowa sineligan din, aw nesayo dan pesalo doton te tanà sinogoan te Timanem kandin.

Genesis 21:23

Yan ibeg ko megsapà ka den diyà te Timanem te eked ka palos peg-akal kanak, menge batà ko, aw menge bowad-bowad ko. Gayed mèpiya se ininang ko diyà kamno, aw yan pegpakang ka den te gayed mèpiya se inangen no diyà kanak aw menge doma otaw eg-ogpà dini te tanà inogpaan nikaw.”

Genesis 21:14

Pegkeiselem niyan, limapos si Abraham nemegay te kànen aw sesalok nepenò te wayeg diyà ki Agar amon bebaen din, aw impekesayo din si Agar aw batà din. Dimoton dan te kebigtilan te Berseba, aw miglegeb-legeb dan kidoen.

Genesis 19:2

aw minikagi sikandin, “Sir, apit kaw den doton te balay ko. Peonawi niyo se benis niyo, aw idegà kaw dini, aw yan mekedeleg kaw kealdaw te iselem.” Meneng minikagi dan, “Eked kay, so midegà kay dini te plasa.”

Genesis 14:22

Meneng minikagi si Abram diyà te selotan te Sodoma, “Megsapà a den diyà te Timanem Melangkaw, sìyan mig-inang te langit aw keneyonan.

Genesis 21:27

Penga niyan, nemegay si Abraham te menge karniro aw baka diyà ki Abimelec, aw migpepekangay dan.

Genesis 26:32

Dalem te aldaw sìyan, dimateng se menge sineligan i Isaac, aw mig-indan dan diyà kandin tepad te sokian binengbangan dan. Minikagi dan, “Neapet day den se wayeg!”