Genesis 26:3 - Manobo Sarangani

³ Peg-ogpà ka dini, aw yan megtabang a kamno, aw mèpiya se ibegay ko diyà kamno. Ibegay ko se kedakel te tanà seini diyà kamno aw diyà te menge bowad-bowad nikaw, so tomanen ko se impakang ko diyà te amay no si Abraham.

Genesis 26:3 ပူးပေါင်းရင်းမြစ်များ

Genesis 12:7

Migpekità se Timanem diyà ki Abram, aw minikagi sikandin, “Seini se ogpeanan ibegay ko diyà te menge bowad-bowad nikaw.” Yan mig-inang si Abram te sonoganan te ayam-ayam ibegay diyà te Timanem migpekità diyà kandin.

Genesis 13:15

Se kebelad te tanà kitaen nikaw, yan se ibegay ko diyà kamno aw menge bowad-bowad nikaw te wedad temanan.

Genesis 13:17

Nayan, peglegeb ka den doton te kebelad te tanà, so yan se ibegay ko diyà kamno.”

Genesis 15:18

Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.

Genesis 17:19

Meneng minikagi se Timanem, “Esawa no si Sara se tebawan te batà no meama, aw ingedanan no se batà no sìyan ki Isaac (kelebadan niyan, nebebayat). Sikandin aw menge bowad-bowad din se ketomanan te pakang ko te wedad temanan.

Genesis 17:8

Se kedakel te tanà te Canaan làno nikaw inogpaan, yan se ibegay ko diyà kamno aw diyà te menge bowad-bowad nikaw amon tig-epoen niyo iyan te wedad temanan. Siak se Timanem meg-ipat kandan.”

Genesis 20:1

Nayan, minalin si Abraham lekat te Mamre doton te Negeb, aw mig-ogpà dan doton te tengà-tengà te lonsod te Cades aw Sur. Peglegeb din doton te lonsod te Gerara,

Genesis 25:11

Penga te pegkematay i Abraham, mèpiya se imbegay te Timanem diyà te batà din si Isaac, aw mig-ogpà sikandin doton medapag te Beer Lahai Roi.

Genesis 26:12

Te omay sìyan, nenanem si Isaac kidoen, aw minongo iyan te ginatos. Dakel se ginani din so mèpiya se imbegay te Timanem diyà kandin.

Genesis 26:14

Ontò medita se karniro din, baka, aw allang din, aw yan se doun te miningà se menge tege Filisti kandin.

Genesis 26:24

Pegkedelem niyan, migpekità se Timanem diyà kandin, aw minikagi sikandin, “Siaken se Timanem egseligan te amay no si Abraham. Ikà egkelemitan, so egdomaan ta. Mèpiya se ibegay ko diyà kamno, aw inangen ko ontò medita se bowad-bowad nikaw, so yan se impakang ko diyà ki Abraham gayed timolò kanak.”

Genesis 28:13

Kinità din heman se Timanem timindeg kidoen, aw minikagi sikandin diyà ki Jacob, “Siak se Timanem gayed egseligan te apò no si Abraham, aw amay no si Isaac. Se tanà seini inibatan nikaw, yan se ibegay ko diyà kamno aw diyà te menge bowad-bowad nikaw.

Genesis 28:15

Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”

Genesis 31:3

Minikagi se Timanem diyà ki Jacob, “Olì ka den doton te tanà inogpaan te amay nikaw, apò nikaw, aw menge kedomaan nikaw. Domaan ta sikona.”

Genesis 35:12

Se kebelad te tanà imbegay ko diyà ki Abraham aw si Isaac, yan se ibegay ko heman diyà kamno, aw ibegay ko heman iyan diyà te menge bowad-bowad nikaw te modi aldaw.”

Genesis 39:2

Tinebangan te Timanem si Jose, aw mèpiya se kedita te eg-inangen din. Ininang sikandin sineligan doton te balay te amo din sìyan tege Ehipto.

Genesis 39:21

Meneng tinebangan sikandin te Timanem, aw gayed dakel se pedowan te Timanem kandin. Neluba se otaw egbantay te keleboso ki Jose,

Genesis 48:21

Penga niyan, minikagi si Jacob diyà ki Jose, “Nayan, agpet den se aldaw te pegkematay ko, meneng ipaten ka pa te Timanem, aw ipeolì din se menge bowad-bowad ta te modi aldaw doton te tanà inogpaan te menge kemonaan ta gebii.

Genesis 50:24

Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”

Filipos 4:9

Tolò kaw te kedita te intoladà ko kenyo. Peg-iling kaw te kedita te inikagi ko aw ininang ko, aw yan egdomaan kaw te Timanem egpemegay te kelinaw te pedowan.

Menge Hebreo 11:9

Pegdateng din doton te tanà impakang te Timanem kandin, simalig sikandin diyà te Timanem, so migpeliman sikandin te aldaw te pegbegay te Timanem kandin te tanà sìyan. Mig-ogpà dan diyà te balay inetepan te penenaktun. Iling heman kenyan se ininang te batà din si Isaac, aw apò din si Jacob, so migpeliman dan heman te aldaw te pegketoman te pakang te Timanem.

Menge Hebreo 6:17

Iling heman kenyan se ininang te Timanem. So ibeg din metaga-taga se kedita te otaw kominawà te pakang din te eked din palos todai se tod din, yan se doun te impesipat din se kandin ngadan diyà te pakang din.