Genesis 26:28 - Manobo Sarangani

²⁸ Timaba dan, “Dimini kay so netegahan day den te gayed ka egtebangan te Timanem. Yan mig-aneng-aneng kay te mèpiya aw megpesepaay kidon. Ibeg day megpakang ka diyà kenami

Genesis 26:28 ပူးပေါင်းရင်းမြစ်များ

Genesis 39:5

Lekat niyan, so kidoen si Jose, tinebangan te Timanem si Potifar aw dakel se ontong din pengkey doton te balay din aw doton te pawà din.

Menge Hebreo 13:5

Ikà niyo egpengewarta. Keilangan meluba kaw te kedònan neabat niyo, so minikagi se Timanem, “Eked a palos tanan kenyo. Eked a palos lowat kenyo.”

Menge Hebreo 6:16

Aw meibeg se otaw megpetaga-taga te metoman se pakang dan, ipesipat dan diyà te pakang se ngadan te otaw labi pa melangkaw diyà kandan. Aw iling kenyan se inangen te otaw osayan, memenal se menge doma otaw te benal se pakang din.

1 Korinto 14:25

Ipeaneng-aneng kandin se medaet diyà te pedowan din, aw penga niyan tomikelong, aw megsimba te Timanem, aw mikagi sikandin te benal doen Timanem doma niyo.

Genesis 24:41

Meneng aw domoton ka te menge kedomaan ko aw eked dan penenalan kamno, aw temengan dan se bayi, yan wedad keilangan te pegtoman no te pakang no sìyan.’

Genesis 24:3

Ibeg ko megsapà ka pineokit te Timanem mig-inang te langit aw keneyonan. Pegpakang ka diyà kanak te eked no pemellii se bayi pengognanen te batà ko lekat te menge otaw eg-ogpà dini te Canaan.

Roma 8:31

Aw meg-aneng-aneng kidon tepad te kedita te kèpiyaan ininang te Timanem kenitadon, ketegahan tadon te wedad palos mekedaeg kenitadon so egdomaan kidon te Timanem.

Genesis 31:44

Mèpiya aw megpepekangay ki den. Mèpiya heman aw doen kekitaan inangen ta amon eked ta kelibeli se pakang ta.”

Genesis 39:3

Kinità te amo din te tinebangan sikandin te Timanem, aw tandà te tabang te Timanem, mèpiya se kedita te eg-inangen din.