Genesis 26:20 - Manobo Sarangani

²⁰ Meneng migpedindilay se menge telediyaga tege Gerara aw menge telediyaga i Isaac, aw minikagi se menge tege Gerara, “Kenami se wayeg sìyan.” Yan se doun te iningedanan i Isaac se sokian sìyan Esek (kelebadan niyan, dindil), so migpedindilay dan kidoen.

Genesis 26:20 ပူးပေါင်းရင်းမြစ်များ

Genesis 21:25

Penga niyan, mig-indan si Abraham kandin te doen sokian pig-agaw te menge sineligan i Abimelec.

Genesis 13:7

Yan se doun te migbolaw se menge telediyaga i Abram aw menge telediyaga i Lot. (Doen heman menge tege Canaan aw tege Perisi mig-ogpà pa kidoen.)

Genesis 26:19

Nemangbang se menge sineligan i Isaac te kaling sokian doton te baog, aw doen wayeg niyan timebol.

Genesis 26:21

Penga niyan, nemangbang heman se menge sineligan din te doma sokian. Meneng migbolaw heman se tege Gerara tepad kenyan, aw yan iningedanan din se sokian sìyan Sitna (kelebadan niyan, keopal).

Genesis 46:34

keilangan meg-indan kaw kandin te telediyaga kaw lekat te pegkemengisù niyo, iling te eg-inangen te menge kemonaan niyo gebii. Doun niyan, ipeogpà kaw din doton te Gosen.” Yan se inikagi i Jose diyà kandan, so eglindoan te menge tege Ehipto se telediyaga.