Genesis 25:23 - Manobo Sarangani

²³ Minikagi se Timanem, “Se pingin kidoen te belenakan nikaw, yan se meinang kemonaan te dowa pongan. Eked dan pegsebad. Meinang labi pa magsen se sebad pongan, aw meinang sineligan te batà no adi se kakay din.”

Genesis 25:23 ပူးပေါင်းရင်းမြစ်များ

Genesis 27:40

Keilangan mengabat ka te kelidoan pineokit te pegbolaw nikaw. Meinang ka allang te kedowa nikaw. Meneng aw eked no iyan keteyodi, mekelowà ka lekat te peglowan din.”

Genesis 27:29

Ibeg ko medita se pongan meinang sineligan nikaw, aw medita se otaw lomongken diyà kamno. Mengolo ka diyà te kedita te kedomaan nikaw, aw toloen ka te kedita te kedowa nikaw. Ipelumun te Timanem se kedita te otaw megtompuyus kamno, aw mèpiya se ibegay din diyà te kedita te otaw memegay te mèpiya diyà kamno.”

Genesis 24:60

Te wedà dan pa kesayo, nemoyò se menge kedomaan i Rebecca te mèpiya se ibegay te Timanem kandin. Minikagi dan, “Etebay day, ibeg day meinang ka peden kemonaan te minelalan bowad-bowad nikaw. Ibeg day, mekedaeg peden se menge bowad-bowad no te lonsod te kedita te poon dan.”

Genesis 17:16

Mèpiya se ibegay ko diyà kandin, aw ibegay ko diyà kamno se batà meama tomebaw diyà kandin. Mèpiya se ibegay ko diyà te esawa nikaw, aw meinang sikandin kemonaan te medita pongan. Doen menge bowad-bowad din meinang selotan.”

Genesis 36:31

Seini se ngadan te menge selotan migpetibos-tibosay te peglowan dan doton te Edumea te wedad pa selotan limowan diyà te menge bowad-bowad i Israel. Si Bela batà i Beor tege Dinhaba. Si Jobab batà i Sera tege Bosra. Si Husan tege Teman. Si Hadad batà i Bedad tege Abit. (Si Bedad se nekedaeg te menge tege Midian doton te tanà te Moab.) Si Samla tege Masreca. Si Saul tege Rehobot te Yofritis. Si Baal Hanan batà i Acbor. Si Hadad tege Pau. (Se esawa din, yan si Mehetabel batà bayi i Matred aw apò i Mesahab.)

Genesis 33:3

Penga niyan, si Jacob se minonà diyà te kedita dan, aw mekepito sikandin longken diyà te tanà te pegpedapag din diyà te kakay din.

Genesis 25:27

Pegketelaki te didowa dan, migketomawan si Esau aw gayed eglegeb doton te kebenesan. Meneng netelek si Jacob, aw gayed sikandin netingen medapag te tolda inogpaan dan.

Genesis 17:4

“Seini se ipakang ko diyà kamno. Inangen ko sikona kemonaan te medita pongan.

Genesis 32:6

Peglikò te otaw insogò i Jacob, minikagi dan, “Dimoton kay te kedowa no si Esau, aw nesayo den sikandin amon somongon kamno. Epat gatos se otaw impetaking din.”

Genesis 25:24

Pegdateng te aldaw te pegtebaw, pingin se timebaw.

Genesis 27:33

Ontò tinegangtang si Isaac tandà te kepela din, aw mig-insà sikandin, “Aw sikona si Esau, sinu lay se nekeabat gina te pengelapen, aw nemekaen kanak? Te wedà ka pa dateng, kimaen a kenyan, aw migtawal-tawal a amon mèpiya se ibegay te Timanem diyà kandin, aw eked ko den iyan todai.”

Genesis 27:37

Timaba si Isaac, “Migtawal-tawal a amon meinang sikandin pengolo nikaw, aw meinang heman allang din se kedita te kedomaan din. Nemoyò a diyà te Timanem te dakel se geniyen din aw bino din. Atò, wedad den mèpiya pemoyoen ko ibegay te Timanem diyà kamno.”

Genesis 48:19

Meneng mig-eked si Jacob, aw minikagi sikandin, “Netegahan ko iyan Atò. Netegahan ko iyan. Meinang heman melangkaw se menge bowad-bowad i Manases, meneng labi pa melangkaw si Efraim, so meinang medita pongan se menge bowad-bowad din.”