Genesis 25:20 - Manobo Sarangani

²⁰ Kepatan se omay i Isaac te pegpengognan din ki Rebecca batà i Betuel tege Aramea te Mesopotamya. Si Rebecca se etebay i Laban tege Aramea heman.

Genesis 25:20 ပူးပေါင်းရင်းမြစ်များ

Genesis 24:29

Doen kedowa meama i Rebecca ngadan din si Laban. Pegkità i Laban te aritis aw taklay te etebay din, aw pegdineg din te kagi te etebay din tepad te inikagi te otaw dimateng, ayas sikandin simongon kandin doton te sokian. Pegdateng i Laban doton te sokian, kidoen pa se sineligan i Abraham sipat te menge kamilo din.

Genesis 24:67

Inibing i Isaac si Rebecca doton didalem te tolda tapay inogpaan te inay din si Sara. Pinengognan din si Rebecca, aw ontò dakel se pedowan i Isaac diyà kandin. Yan nesinalay si Isaac tepad te pegkematay te inay din.

Genesis 22:23

(Si Betuel se amay i Rebecca.) Yan se ngadan te walo batà i Nahor timebaw diyà ki Melca nayi i Abraham.

Genesis 31:24

Te wedà dan pa pekesaeb kandin, migpekità se Timanem diyà ki Laban te delem pineokit te tegeinep, aw minikagi sikandin, “Peg-ahà ka. Ikà egleges ki Jacob.”

Genesis 31:20

Mig-akal si Jacob ki Laban, so wedà din sebihi tepad te pegkesayo din.

Genesis 31:18

Impeipanaw din se kedita te ayam-ayam din doton te monà, aw inlolan din heman se kedakel te kedònan neabat din kidoen te Mesopotamya. Nesayo sikandin migpesalo doton te tanà te amay din si Isaac kidoen te Canaan.

Luc. 4:27

Iling heman kenyan se neinang dalem te pegkeliwat i Eliseo te kagi te Timanem. Pengkey medita se Judiyo pigtompig, meneng kenà dan se pinegolian din, so olò din pinegolian se kenà Judiyo si Naaman sakop te Sirya.”

Genesis 35:9

Peg-olì i Jacob lekat te Mesopotamya, todà migpekità se Timanem diyà kandin, aw migpakang sikandin te mèpiya se ibegay din diyà kandin.

Genesis 24:15

Telobo pa sikandin migtawal-tawal, dimateng si Rebecca batà bayi i Betuel neniang te tibod. Kedowa i Abraham si Nahor se apò din meama, aw si Melca se apò din bayi.

Genesis 25:26

Pegtebaw te adi din, minawid sikandin te palo te kakay din, aw yan iningedanan dan sikandin ki Jacob (kelebadan niyan, nengawid te palo, aw doen heman kelebadan niyan, eg-akal). Keneman se omay i Isaac te pegtebaw te didowa dan.

Genesis 28:2

Doton ka den beling te Mesopotamya kidoen te balay te apò no si Betuel. Mèpiya aw pengognanen no se batà te emayen no si Laban.

Genesis 28:7

Netaga-taga heman sikandin te timolò si Jacob te amay aw inay din aw dimoton sikandin te Mesopotamya.

Genesis 33:18

Peg-olì i Jacob lekat te Mesopotamya, dimeleg sikandin doton te lonsod te Sikem kidoen te Canaan te wedad nemeeleg kandin. Mig-ogpà sikandin doton te tanà medapag te lonsod sìyan.

Genesis 35:26

Se menge batà i Jacob timebaw diyà te allang i Lea si Zilfa, yan si Gad aw si Aser. Yan se menge batà meama i Jacob timebaw doton te Mesopotamya.

Genesis 46:15

Yan se menge batà meama i Jacob timebaw diyà ki Lea doton te Mesopotamya. Doen heman batà dan bayi si Dina. Ketlowan teg telo se menge bowad-bowad i Jacob aw si Lea.

Genesis 27:43

Na Atò, tolò ka den kanak. Kadas ka den, aw doton ka te meama ko si Laban kidoen te Haran.