Genesis 25:18 - Manobo Sarangani

¹⁸ Mig-ogpà se menge bowad-bowad i Ismael doton te tanà diyà te tengà-tengà te lonsod te Habila aw Sur lenged te eglibtakan te Ehipto pesalo te Asirya. Wedà dan peg-ogpà doma te menge doma bowad-bowad i Abraham.

Genesis 25:18 ပူးပေါင်းရင်းမြစ်များ

Genesis 16:12

Meinang se batà nikaw iling te asno wedà kegnuki, so wedad toloen din. Megpoon sikandin te kedita te otaw, aw megpoon dan heman kandin. Eked sikandin peg-ogpà doma te menge kedowa din.”

Genesis 20:1

Nayan, minalin si Abraham lekat te Mamre doton te Negeb, aw mig-ogpà dan doton te tengà-tengà te lonsod te Cades aw Sur. Peglegeb din doton te lonsod te Gerara,

Genesis 21:21

Peg-ogpà din doton te kebigtilan te Paran, impepengognan sikandin te inay din diyà te bayi tege Ehipto.

Genesis 14:10

Medita se baog-baog kidoen doen koliko te aspalto ontò melemiket. Pegkedaeg te selotan te Sodoma aw selotan te Gomora, kimadas se menge sondalo dan, aw doen nepolotan kandan kidoen te menge baog-baog sìyan, aw kimadas se menge doma sondalo doton te menge bontod.

Genesis 13:10

Migpeatap-atap si Lot, aw kinità din te mèpiya se kebelad te tanà medapag te wayeg te Jordan taman te lonsod te Soar, so dakel se wayeg kidoen iling te kekeyowan intanem te Timanem, aw iling te Ehipto. (Neinang iyan te wedà pa bàti te Timanem se lonsod te Sodoma aw Gomora kidoen medapag te wayeg te Jordan.)

Genesis 10:29

Opir, Habila, aw Jobab. Menge batà i Joctan se kedita dan.

Genesis 10:7

Se menge batà meama i Cus, yan si Seba, si Habila, si Sabata, si Raama, aw si Sabaca. Se menge batà meama i Raama, yan si Saba aw si Dadan.

Genesis 2:11

Pison se ngadan te tagnà wayeg, aw minokit iyan te tanà iningedanan Habila.

Genesis 21:14

Pegkeiselem niyan, limapos si Abraham nemegay te kànen aw sesalok nepenò te wayeg diyà ki Agar amon bebaen din, aw impekesayo din si Agar aw batà din. Dimoton dan te kebigtilan te Berseba, aw miglegeb-legeb dan kidoen.

Genesis 16:7

Doen anghil te Timanem migpekità diyà ki Agar kidoen te kebigtilan medapag te selep doton te dalan pesalo doton te lonsod te Sur.