Genesis 25:10 - Manobo Sarangani

¹⁰ Yan se tanà tapay bineyadan i Abraham diyà te menge tege Heti. Yan se linebengan dan ki Abraham sipat te esawa din si Sara.

Genesis 25:10 ပူးပေါင်းရင်းမြစ်များ

Genesis 23:16

Timandù si Abraham tepad te elagà inikagi i Efron dinineg te kedita te otaw netipon, aw yan pinisar din se epat gatos kwarta selapì, iling te pegpisar te menge tindiro, aw imbegay din iyan diyà ki Efron.

Genesis 49:31

Yan se linebengan ki Abraham aw esawa din si Sara. Yan heman se linebengan ki Isaac aw esawa din si Rebecca. Yan heman se linebengan ko ki Lea.

Genesis 10:15

Se menge batà i Canaan, yan si Sidon penganay batà din, aw si Het.

Genesis 23:3

Timanan si Abraham te lawa te esawa din, aw dimoton sikandin te menge tege Heti, aw minikagi sikandin,

Genesis 47:30

Ibeg ko ilebeng beling se lawa ko doton te lebenganan doma te menge kemonaan ko. Yan ibingi se lawa ko lekat dini te Ehipto, aw lebengi a doton te linebengan kandan.” Minikagi si Jose, “Ee. Toloen ko se impunù no kanak.”

Genesis 23:9

amon ibeligyà din diyà kanak se ilib te Macpela doton medapag te kilid te pawà din. Ikegihi niyo diyà kandin te pengkey pila se ontò elagà niyan, beyadan ko iyan diyà kandin dini kenyo, amon doen kenaken lebenganan.”

Genesis 23:17

Pineokit kenyan, nenig-apò si Abraham te tanà i Efron doton te Macpela medapag te lonsod te Mamre. Bineyadan din se tanà sìyan sipat te ilib kidoen, aw kedita te kayo nesakop te tanà sìyan.

Genesis 23:20

Yan se indan tepad te pegpenig-apò i Abraham te tanà aw ilib ininang din lebenganan tapay tinig-apò te tege Heti.