Genesis 24:59 - Manobo Sarangani

⁵⁹ Penga niyan, mepakay diyà kandan aw tomaking si Rebecca aw lokes tapay mig-ipat kandin. Impekesayo dan sipat te sineligan i Abraham aw menge doma din.

Genesis 24:59 ပူးပေါင်းရင်းမြစ်များ

Genesis 35:8

Nematay kidoen si Debora tapay migtonggò ki Rebecca te pegkemengisù din, aw inlebeng se lawa din doton te olayan medapag te Betel. Yan se doun te iningedanan iyan Olayan te Pegkelag.

1 Tesalonika 2:5

Ontò niyo netegahan te wedà kay peg-akal kenyo pineokit te pegluba day kenyo. Wedà kay heman pegpelingo-lingo amon meglegawa kay kenyo. Netaga-taga heman se Timanem kenyan.

Genesis 24:60

Te wedà dan pa kesayo, nemoyò se menge kedomaan i Rebecca te mèpiya se ibegay te Timanem kandin. Minikagi dan, “Etebay day, ibeg day meinang ka peden kemonaan te minelalan bowad-bowad nikaw. Ibeg day, mekedaeg peden se menge bowad-bowad no te lonsod te kedita te poon dan.”

Genesis 24:53

Penga niyan, inokal din se menge bowang, menge penenaktun, aw selapì aw bolawan, aw imbegay din iyan diyà ki Rebecca. Doen heman menge meelagà imbowang din diyà te kedowa din aw inay din.

Genesis 24:50

Minikagi si Laban aw si Betuel, “Impetaga-taga den te Timanem se ibeg din. Eked day iyan todai.

Genesis 24:54

Penga niyan, kimaen sikandin sipat te menge doma otaw timaking kandin, aw minidegà dan kidoen. Pegkeiselem niyan, minikagi se sineligan, “Ibeg ko, mesayo kay den amon molì a doton te amo ko.”

Genesis 24:58

Penga niyan, tinawal dan si Rebecca, aw mig-insà dan diyà kandin, “Meibeg ka lay tomaking kandin seini?” Timaba sikandin, “Ee, tomaking a den kandin.”