Genesis 24:3 - Manobo Sarangani

³ Ibeg ko megsapà ka pineokit te Timanem mig-inang te langit aw keneyonan. Pegpakang ka diyà kanak te eked no pemellii se bayi pengognanen te batà ko lekat te menge otaw eg-ogpà dini te Canaan.

Genesis 24:3 ပူးပေါင်းရင်းမြစ်များ

1 Korinto 7:39

Eked kepakay aw somoway se bayi te esawa din singed aw matay se meama. Meneng aw matay se meama, mepakay aw todà mengognan se bayi balo, meneng keilangan egpemenal te Pengolo tadon se pengognanen din.

Genesis 28:8

Pegketaga-taga i Esau te wedà keluba se amay din tepad te menge bayi tege Canaan,

Genesis 50:25

Penga niyan, nemoyò si Jose te megsapà se menge doma bowad-bowad i Israel, kagi din, “Pegpakang kaw kanak te ibingen niyo se lawa ko te modi aldaw aw ipeolì kaw te Timanem doton te Canaan.”

Genesis 27:46

Minikagi heman si Rebecca diyà ki Isaac, “Ontò melima se peg-ogpà ko doma te menge ogangan ta tege Heti. Aw pengognanen i Jacob se tege Heti iling te didowa bayi pinengognan i Esau, labi pa mèpiya aw matay a.”

Genesis 21:23

Yan ibeg ko megsapà ka den diyà te Timanem te eked ka palos peg-akal kanak, menge batà ko, aw menge bowad-bowad ko. Gayed mèpiya se ininang ko diyà kamno, aw yan pegpakang ka den te gayed mèpiya se inangen no diyà kanak aw menge doma otaw eg-ogpà dini te tanà inogpaan nikaw.”

Genesis 14:19

Migtawal-tawal sikandin amon mèpiya se ibegay te Timanem diyà ki Abram. Minikagi sikandin, “Mèpiya se ibegay diyà kamno lekat te Timanem Melangkaw, sìyan mig-inang te langit aw keneyonan.

Genesis 6:4

Dalem te aldaw sìyan te pegpengognan te menge sakop te Timanem diyà te menge bayi aw pegbatà dan, aw pengkey pa te pegkepenga niyan, doen menge telandig iningedanan Nefilim. Ontò dan nedengeg gebii, so dakel se nebatog dan.

Genesis 6:2

doen menge sakop te Timanem kimità te mèpiya se bawa te menge bayi, aw pengkey sinu se neibegan dan, yan se pinengognan dan.

Menge Hebreo 6:16

Aw meibeg se otaw megpetaga-taga te metoman se pakang dan, ipesipat dan diyà te pakang se ngadan te otaw labi pa melangkaw diyà kandan. Aw iling kenyan se inangen te otaw osayan, memenal se menge doma otaw te benal se pakang din.

Genesis 14:22

Meneng minikagi si Abram diyà te selotan te Sodoma, “Megsapà a den diyà te Timanem Melangkaw, sìyan mig-inang te langit aw keneyonan.

Genesis 24:7

Kedengan, inikegiyan a te Timanem eg-ogpà doton te langit te keilangan mesayo a lekat te menge kedomaan te amay ko aw tanà tinebawan ko, aw ontò a din pinekangan te ibegay din se tanà seini diyà te menge bowad-bowad ko. Isogò te Timanem se anghil monà diyà kamno aw megtabang kamno amon mekeabat ka te bayi pengognanen te batà ko.

Genesis 28:1

Yan impeangay i Isaac si Jacob, aw migtawal-tawal sikandin amon mèpiya se ibegay te Timanem diyà kandin. Penga niyan, migpunù sikandin diyà ki Jacob, “Ikà egpengognan te bayi dini tege Canaan.

Genesis 47:31

Minikagi si Jacob, “Pegsapà ka kanak te yan se inangen nikaw.” Yan migsapà si Jose. Penga niyan, timikelong si Jacob kidoen te katri din, aw migpesiontong sikandin diyà te Timanem.

Genesis 34:9

Mèpiya aw gayed megpepengognanay se menge batà ta.

Genesis 38:2

Kinità i Juda se bayi kidoen tege Canaan batà i Suas, aw yan se pinengognan din.