Genesis 24:28 - Manobo Sarangani

²⁸ Kimagnan se bayi minolì, aw mig-indan sikandin diyà te inay din aw menge kedomaan din tepad kenyan.

Genesis 24:28 ပူးပေါင်းရင်းမြစ်များ

Genesis 31:33

Penga niyan, nengemahà si Laban doton te tolda inogpaan i Jacob, aw tolda inogpaan i Lea, aw tolda te didowa allang bayi, meneng wedad palos kinità din kidoen. Penga niyan, minawop sikandin diyà te tolda inogpaan i Raquel.

Genesis 24:67

Inibing i Isaac si Rebecca doton didalem te tolda tapay inogpaan te inay din si Sara. Pinengognan din si Rebecca, aw ontò dakel se pedowan i Isaac diyà kandin. Yan nesinalay si Isaac tepad te pegkematay te inay din.

Genesis 24:55

Meneng timaba se kedowa aw inay i Rebecca, “Mèpiya aw eked no pa sikandin ibingi singed aw menge sempolò pa se aldaw. Penga niyan, mepakay aw mesayo kaw.”

Genesis 24:48

Limongken a aw migsimba a diyà te Timanem. Induyun ko se Timanem egseligan te amo ko si Abraham, so inelladan a din amon mekepantek a dini mengabat te apò bayi te kedowa te amo ko pengognanen te batà din meama.

Genesis 29:12

Minikagi sikandin diyà ki Raquel, “Anak a te amay nikaw, so etebay din si Rebecca se inay ko.” Penga niyan, kimagnan si Raquel minolì aw mig-indan sikandin te amay din.

Genesis 24:29

Doen kedowa meama i Rebecca ngadan din si Laban. Pegkità i Laban te aritis aw taklay te etebay din, aw pegdineg din te kagi te etebay din tepad te inikagi te otaw dimateng, ayas sikandin simongon kandin doton te sokian. Pegdateng i Laban doton te sokian, kidoen pa se sineligan i Abraham sipat te menge kamilo din.