Genesis 24:22 - Manobo Sarangani

²² Pegkebolong te keleowan te menge kamilo din, inokal te sineligan se aritis bolawan meelagà, aw insawol din iyan diyà te idong te bayi, aw intaklay din heman se dowa dedakel taklay bolawan diyà te bebenayen din.

Genesis 24:22 ပူးပေါင်းရင်းမြစ်များ

Genesis 24:47

Mig-insà a diyà kandin aw sinu se amay din, aw minikagi sikandin, ‘Si Betuel se amay ko. Si Nahor se amay din, aw si Melca se inay din.’ “Penga niyan, insawol ko se aritis diyà te idong din, aw didowa taklay diyà te bebenayen din.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.

1 Pedro 3:3

Ikà niyo eg-aneng-aneng te keilangan doen palas niyo amon mèpiya se bawa niyo, iling te pegtigmes te logay, aw pegsawol te bolawan, aw pegdagom te ontò meelagà.

Genesis 24:10

Penga niyan, nengabat se sineligan te sempolò kamilo te amo din, aw inlolan din se medita kemolò te mèpiya bowang ipeibing te amo din si Abraham. Nesayo sikandin aw dimoton te lonsod inogpaan te kedowa i Abraham si Nahor kidoen te Mesopotamya.

Genesis 24:23

Mig-insà sikandin, “Sinu lay se amay nikaw? Doen lay keombaan doton te balay din, amon midegà a sipat te menge doma otaw timaking kanak?”

Genesis 24:53

Penga niyan, inokal din se menge bowang, menge penenaktun, aw selapì aw bolawan, aw imbegay din iyan diyà ki Rebecca. Doen heman menge meelagà imbowang din diyà te kedowa din aw inay din.