Genesis 24:10 - Manobo Sarangani

¹⁰ Penga niyan, nengabat se sineligan te sempolò kamilo te amo din, aw inlolan din se medita kemolò te mèpiya bowang ipeibing te amo din si Abraham. Nesayo sikandin aw dimoton te lonsod inogpaan te kedowa i Abraham si Nahor kidoen te Mesopotamya.

Genesis 24:10 ပူးပေါင်းရင်းမြစ်များ

Genesis 11:31

Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.

Ininang 2:9

Medita se ogpeanan tinikedowan tadon, so doen menge tege Partya, aw tege Medya, aw tege Elam. Doen menge otaw lekat te Mesopotamya, aw Judiya, aw Kapadosya, aw Ponto, aw Asya.

Genesis 29:1

Nayan, dimeleg si Jacob lamig dimateng sikandin doton te tanà inogpaan te menge otaw lenged te eglibtakan.

Genesis 27:43

Na Atò, tolò ka den kanak. Kadas ka den, aw doton ka te meama ko si Laban kidoen te Haran.

Genesis 24:2

Minikagi si Abraham diyà te pengolo te menge sineligan din, sìyan egpengibing te kedakel te kedònan din, “Soli se belad nikaw diyà te salad te bobon ko amon ketegahan ko te tomanen no se ipunù ko kamno seini.

Genesis 11:29

Nengognan si Abram ki Sarai, aw nengognan si Nahor ki Melca, batà bayi te kedowa din nematay si Haran. Doen heman doma batà i Haran si Isca.

Genesis 11:32

Nematay si Tera kidoen te dowa gatos aw lima se omay din.

Genesis 24:22

Pegkebolong te keleowan te menge kamilo din, inokal te sineligan se aritis bolawan meelagà, aw insawol din iyan diyà te idong te bayi, aw intaklay din heman se dowa dedakel taklay bolawan diyà te bebenayen din.

Genesis 24:53

Penga niyan, inokal din se menge bowang, menge penenaktun, aw selapì aw bolawan, aw imbegay din iyan diyà ki Rebecca. Doen heman menge meelagà imbowang din diyà te kedowa din aw inay din.

Genesis 29:2

Dimateng sikandin doton te balon te wayeg binengbangan kidoen mediyò te lonsod. Kinità din se telo ebong te menge karniro minibat medapag te balon. Netipon se karniro so eg-inem dan kidoen. Mebelad se bato insampeng diyà te balon sìyan.

Genesis 11:26

Peg-apet te kepitowan se omay i Tera, timebaw se menge batà din meama si Abram, si Nahor, aw si Haran.

Genesis 22:20

Nayan, pegkenamay-namay, inindanan si Abraham te doen den menge batà te kedowa din si Nahor, so tinebawan se nayi din si Melca.