Genesis 23:9 - Manobo Sarangani

⁹ amon ibeligyà din diyà kanak se ilib te Macpela doton medapag te kilid te pawà din. Ikegihi niyo diyà kandin te pengkey pila se ontò elagà niyan, beyadan ko iyan diyà kandin dini kenyo, amon doen kenaken lebenganan.”

Genesis 23:9 ပူးပေါင်းရင်းမြစ်များ

Roma 13:8

Ikà niyo egpengotang amon wedad salà niyo. Meneng ikà niyo palos egwedad te pegpedekelay niyo te pedowan, so aw dakel se pedowan te otaw diyà te doma, timoman den sikandin te kedita te punù ingkeliwat i Moises.

Roma 12:17

Pengkey doen otaw meg-inang te medaet diyà kenyo, ikà niyo eg-inang te medaet diyà kandan. Pegpekeaseb kaw meg-inang te ontò mèpiya eked silahi te doma otaw.

Genesis 23:4

“Kenà a tege dini, so minalin a dini kenyo. Beyadan ko peden kenyo se tanà dini amon doen lebengan ko te esawa ko nematay.”

Genesis 23:8

aw minikagi sikandin, “Aw mepakay diyà kenyo se peglebeng ko te esawa ko dini, pemoyoi niyo si Efron batà i Sohar

Genesis 23:10

Kidoen heman si Efron doma te menge tege Heti netipon kidoen te lelebangan te lonsod sìyan, aw dinineg te kedita dan se intaba din diyà ki Abraham,

Genesis 25:10

Yan se tanà tapay bineyadan i Abraham diyà te menge tege Heti. Yan se linebengan dan ki Abraham sipat te esawa din si Sara.

Genesis 49:29

Penga niyan, doen impunù i Jacob diyà te menge batà din, kagi din, “Agpet a den tomelokon te menge kemonaan ko nematay. Lebengi se lawa ko doton te linebengan te menge kemonaan ko doton te ilib kidoen te tanà tapay tinig-apò i Efron tege Heti

Genesis 50:13

Inibing dan se lawa din doton te Canaan, aw inlebeng dan iyan diyà te ilib kidoen te Makpela lenged te eglibtakan te lonsod te Mamre. Yan se ilib aw tanà bineyadan i Abraham ki Efron tege Heti amon inangen din lebenganan.