Genesis 23:4 - Manobo Sarangani

⁴ “Kenà a tege dini, so minalin a dini kenyo. Beyadan ko peden kenyo se tanà dini amon doen lebengan ko te esawa ko nematay.”

Genesis 23:4 ပူးပေါင်းရင်းမြစ်များ

Menge Hebreo 11:9

Pegdateng din doton te tanà impakang te Timanem kandin, simalig sikandin diyà te Timanem, so migpeliman sikandin te aldaw te pegbegay te Timanem kandin te tanà sìyan. Mig-ogpà dan diyà te balay inetepan te penenaktun. Iling heman kenyan se ininang te batà din si Isaac, aw apò din si Jacob, so migpeliman dan heman te aldaw te pegketoman te pakang te Timanem.

Genesis 17:8

Se kedakel te tanà te Canaan làno nikaw inogpaan, yan se ibegay ko diyà kamno aw diyà te menge bowad-bowad nikaw amon tig-epoen niyo iyan te wedad temanan. Siak se Timanem meg-ipat kandan.”

Ininang 7:5

Wedad tanà imbegay te Timanem kandin pengkey deitek. Pengkey wedad palos batà i Abraham, meneng migpakang se Timanem te doen tanà ibegay kandin aw menge bowad-bowad din.

Genesis 49:30

doton te Makpela lenged te eglibtakan te lonsod te Mamre doton te Canaan. Yan se ilib aw tanà bineyadan i Abraham ki Efron amon inangen din lebenganan.

1 Pedro 2:11

Meneng menge kedowa ko egkedekelan ko te pedowan, kenà keneyonan seini se ontò ogpeanan niyo, aw olò kaw iling te mepanaw dini lanto te tanà. Yan megpunù a den kenyo te keilangan eked kaw taking te medaet ibeg te lawa niyo, so pineokit kenyan kebàtan se pegtaking niyo te Timanem.

Genesis 50:13

Inibing dan se lawa din doton te Canaan, aw inlebeng dan iyan diyà te ilib kidoen te Makpela lenged te eglibtakan te lonsod te Mamre. Yan se ilib aw tanà bineyadan i Abraham ki Efron tege Heti amon inangen din lebenganan.

Genesis 47:9

Timaba si Jacob, “Sebad gatos ketlowan se omay ko. Pilabok olò se omay sìyan, aw melima se neokitan ko. Wedà pa apet se omay ko te omay te menge kemonaan ko.”

Genesis 3:19

Keilangan gayed ka megterbaho lamig peg-etingan ka amon doen tomilles kidoen te tanà lamig molì ka doton te tanà, so yan se linekatan nikaw. Ininang ka lekat te tanà, aw todà ka heman meinang tanà.”

Ininang 7:16

Inibing se lawa te nematay doton te Sikem, aw inlebeng dan kidoen te ilib doton te tanà tapay bineyadan i Abraham diyà te menge batà i Hamor.

Genesis 23:5

Minikagi se menge tege Heti,