Genesis 22:9 - Manobo Sarangani

⁹ Pegdateng dan doton te bontod sinogoan te Timanem ki Abraham, mig-inang si Abraham te sonogan din te ayam-ayam ibegay diyà te Timanem, aw insawol din se kayo itabon kidoen te lanto niyan. Penga niyan, ginapos din se batà din aw insawol din heman sikandin diyà te lanto te kayo itabon.

Genesis 22:9 ပူးပေါင်းရင်းမြစ်များ

Santiago 2:21

Netegahan niyo ini. Mig-aneng-aneng se Timanem te metòlid se kemonaan tadon si Abraham pineokit te ininang din, so ontò timolò te impunù te Timanem kandin, aw neketagad sikandin mengimatay te batà din si Isaac doton te sonoganan te ayam-ayam ibegay diyà te Timanem.

1 Pedro 2:24

Pegkematay din doton te kros, inibing din se kedita te salà tadon amon mekelowà kidon lekat te salà aw amon mekeinang kidon te metòlid. Pineokit te pegpelumun kandin, migkèpiya kidon den.

Menge Hebreo 9:28

Mekesebad heman se pegkematay i Cristo amon mengabat te salà te kedita tadon. Lomikò pa sikandin dini te tanà kenà amon todà mengabat te salà tadon, meneng lomikò amon mangay te kedita te otaw egpeliman kandin.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”

Ininang 8:32

Nayan, seini se kagi te Timanem binasa te tege Etyopya. “Iling sikandin te karniro inibing amon iyawen. Iling heman sikandin te nati te karniro kenà eg-ikagi aw gontingan se bolbol, so pengkey kelimahan sikandin, meneng wedad palos kagi din.

Mar. 15:1

Nayan, peglibtak te aldaw sìyan, netipon se kedita te pengolo te simbahan, aw menge obanen te Judiyo, aw menge menenoladà te punù ingkeliwat i Moises. Netipon se kedita dan amon meglalang dan aw eden se inangen dan. Penga niyan, ginapos dan si Jesus, aw inibing dan sikandin doton te gobirnador si Pilato.

Mat. 27:2

Penga niyan, ginapos dan si Jesus, aw inibing dan sikandin doton te gobirnador si Pilato.

Genesis 12:7

Migpekità se Timanem diyà ki Abram, aw minikagi sikandin, “Seini se ogpeanan ibegay ko diyà te menge bowad-bowad nikaw.” Yan mig-inang si Abram te sonoganan te ayam-ayam ibegay diyà te Timanem migpekità diyà kandin.

Genesis 8:20

Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.

Genesis 12:8

Penga niyan, dimeleg sikandin pesalo doton te menge bontod lenged te eglibtakan te lonsod te Betel. Mig-ogpà sikandin diyà te tengà-tengà te lonsod te Betel aw Ai. Lenged te egsellepan se lonsod te Betel, aw lenged te eglibtakan se lonsod te Ai. Mig-inang heman sikandin te sonoganan te ayam-ayam kidoen, aw migsimba sikandin te Timanem.

Genesis 13:18

Penga niyan, minalin si Abram, aw mig-ogpà sikandin kidoen medapag te menge olayan i Mamre doton te Hebron, aw mig-inang sikandin te sonoganan te ayam-ayam kidoen amon megsimba sikandin te Timanem.

Genesis 22:8

Timaba si Abraham, “Timanem se memegay kenyan diyà kenita.” Penga niyan, dimeleg dan minipanaw.

Genesis 22:10

Penga niyan, nemaed sikandin te pemala amon mengimatay te batà din.