Genesis 22:7 - Manobo Sarangani

⁷ minikagi si Isaac, “Amà.” Timaba si Abraham, “Eden lay, Atò?” Minikagi si Isaac, “Doen tigtig bato aw itabon ta. Meneng kenan lay se nati te karniro sonogen aw ibegay diyà te Timanem?”

Genesis 22:7 ပူးပေါင်းရင်းမြစ်များ

Genesis 22:8

Timaba si Abraham, “Timanem se memegay kenyan diyà kenita.” Penga niyan, dimeleg dan minipanaw.

Genesis 8:20

Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.

Mat. 26:39

Penga niyan, dimeleg si Jesus te kenà mediyò, aw limemlem sikandin aw migtawal-tawal, kagi din, “Amà, aw mepakay diyà kamno, eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”

Mat. 26:42

Migpekediyò-diyò si Jesus te ikedowa, aw migtawal-tawal, kagi din, “Amà, aw eked kepakay aw eked a okit diyà te kelimahan seini, ibeg ko metoman se kamno ibeg.”

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Juan 1:36

Pegkità din te peg-okit i Jesus kidoen, minikagi sikandin, “Na, yan se Nati te Karniro imbegay te Timanem.”

Juan 18:11

Minikagi si Jesus diyà ki Pedro, “Olii se podok diyà te lomà, so keilangan detengan a te kelimahan imbegay te Amay ko diyà kanak.”

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.