Genesis 22:2 - Manobo Sarangani

² Minikagi se Timanem, “Petekingi se batà no temisa si Isaac ontò no egkedekelan te pedowan, aw doton kaw te tanà te Moria. Tikedeg kaw te bontod tedoan ko kamno kidoen, aw imetayi sikandin aw sonogi se lawa din, so ibegay no sikandin diyà kanak.”

Genesis 22:2 ပူးပေါင်းရင်းမြစ်များ

Genesis 17:19

Meneng minikagi se Timanem, “Esawa no si Sara se tebawan te batà no meama, aw ingedanan no se batà no sìyan ki Isaac (kelebadan niyan, nebebayat). Sikandin aw menge bowad-bowad din se ketomanan te pakang ko te wedad temanan.

Genesis 21:12

Meneng minikagi se Timanem diyà ki Abraham, “Ikà egkepuluk tepad te telaki aw allang no si Agar. Tolò ka te impunù i Sara kamno, so se menge bowad-bowad te batà no si Isaac, yan olò se eneng-enengen ko te ontò bowad-bowad nikaw.

Genesis 21:3

Iningedanan i Abraham se batà din ki Isaac (kelebadan niyan, nebebayat).

Genesis 22:12

Minikagi se anghil, “Ikà egmeno te batà nikaw. Ikà egpeeleg kandin. Netegahan ko den te ontò ka egtolò te Timanem, so pengkey batà no temisa, meneng yan se ibegay no diyà kanak.”

Genesis 22:16

aw minikagi sikandin, “Ontò metoman se pakang ko seini, so siaken se Timanem minikagi diyà kamno. Ontò mèpiya se ibegay ko diyà kamno. So timolò ka kanak aw wedà no temengi se batà no temisa meneng imbegay no sikandin diyà kanak,

Genesis 22:3

Pegkeiselem niyan, limapos si Abraham nengayo, aw inlolan din iyan diyà te asno din. Impetaking din se batà din si Isaac aw dowa sineligan din, aw nesayo dan pesalo doton te tanà sinogoan te Timanem kandin.

Genesis 22:9

Pegdateng dan doton te bontod sinogoan te Timanem ki Abraham, mig-inang si Abraham te sonogan din te ayam-ayam ibegay diyà te Timanem, aw insawol din se kayo itabon kidoen te lanto niyan. Penga niyan, ginapos din se batà din aw insawol din heman sikandin diyà te lanto te kayo itabon.

Genesis 8:20

Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Roma 5:8

Meneng impetaga-taga te Timanem kenitadon te ontò dakel se pedowan din kenitadon, so dalem pa te eg-inang kidon te salà, insogò din si Jesu Cristo aw inimetayan sikandin amon megpelowà kenitadon lekat te pelumun.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

Menge Hebreo 11:17

Simalig si Abraham diyà te Timanem, aw migpakang se Timanem kandin te ontò megkedita se bowad-bowad din pineokit te batà din si Isaac. Penga niyan, migtandà se Timanem te pegsalig i Abraham diyà kandin, aw insogò din sikandin mengimatay te batà din si Isaac aw sonogen, so ibegay kandin. Meneng kunù simalig pa si Abraham diyà te Timanem, so neketagad sikandin mengimatay te batà din.