Genesis 22:17 - Manobo Sarangani

¹⁷ yan mèpiya se ibegay ko diyà kamno, so inangen ko ontò medita se bowad-bowad nikaw iling te kedita te menge bitoen doton te langit, aw iling heman te kedita te enay doton te dagat. Mekedaeg se menge bowad-bowad no te menge lonsod te poon dan.

Genesis 22:17 ပူးပေါင်းရင်းမြစ်များ

Genesis 15:5

Inibing te Timanem si Abram doton te lowà te balay, aw minikagi sikandin, “Lengag ka den doton te langit. Pegbilang ka te menge bitoen aw mebatog nikaw. Iling kenyan se kedita te menge bowad-bowad nikaw.”

Genesis 13:16

Inangen ko medita se bowad-bowad nikaw igsà eked dan kebilang. Labi pa mola se pegbilang te menge napò te tanà.

Genesis 26:4

Inangen ko ontò medita se bowad-bowad nikaw, iling te kedita te menge bitoen doton te langit. Ibegay ko diyà kandan se kedakel te tanà seini. Mèpiya se ibegay ko diyà te kedita te otaw te keneyonan pineokit te bowad-bowad nikaw.

Genesis 24:60

Te wedà dan pa kesayo, nemoyò se menge kedomaan i Rebecca te mèpiya se ibegay te Timanem kandin. Minikagi dan, “Etebay day, ibeg day meinang ka peden kemonaan te minelalan bowad-bowad nikaw. Ibeg day, mekedaeg peden se menge bowad-bowad no te lonsod te kedita te poon dan.”

Impekità 11:15

Penga niyan, mig-edop se ikepito anghil te bodyong din, aw doen medita dinineg ko kidoen te langit aw ontò dakel se kagi dan, “Se kedita te otaw te keneyonan nesakop den te peglowan te Pengolo tadon aw peglowan te Misiyas pinemallì din. Lomowan sikandin te wedad temanan.”

Efeso 1:3

Iduyun se Timanem, Amay te Pengolo tadon si Jesu Cristo. Mèpiya se tabang te Timanem kenitadon pineokit te ininang i Cristo, so binegayan kidon din te kedita te kèpiyaan lekat te langit.

Genesis 32:12

Meneng migpakang ka te mèpiya se ibegay no diyà kanak, aw inangen no medita se bowad-bowad ko iling te enay doton te dagat eked kebilang.”

1 Korinto 15:57

Meneng megpesiontong kidon diyà te Timanem, so dinaeg din den se kemetayun pineokit te Pengolo tadon si Jesu Cristo, amon tebangan kidon.

Genesis 28:3

Ibeg ko, mèpiya se ibegay te Timanem diyà kamno, aw inangen din medita se bowad-bowad no lamig meinang ka kemonaan te medita pongan te otaw.

Genesis 17:6

Inangen ko medita se bowad-bowad nikaw, aw inangen ko dan medita pongan, aw doen heman kandan meinang menge selotan.

Genesis 12:2

Medita se bowad-bowad ibegay ko diyà kamno, aw meinang dan dakel pongan. Mèpiya se ibegay ko diyà kamno, aw inangen ko medengeg se ngadan nikaw. Mèpiya heman se ibegay ko diyà te menge doma otaw pineokit kamno.

Roma 4:13

Gebii, migpakang se Timanem diyà ki Abraham aw menge bowad-bowad din te doen aldaw domateng aw begayan dan te kedakel te keneyonan aw lomowan dan diyà te kedita te otaw. Yan se impakang te Timanem kenà so timolò si Abraham te menge punù ingkeliwat i Moises, meneng impakang iyan te Timanem so nemenal si Abraham te Timanem aw inaneng-aneng te Timanem te metòlid sikandin.

Roma 9:27

Seini heman se inikagi i Isaias tepad te menge Judiyo, “Pengkey megkedita se menge Judiyo igsà eked dan kebilang iling te enay doton te dagat, meneng olò pilabok se mekelowà lekat te pelumun.

Menge Hebreo 6:14

Minikagi sikandin diyà ki Abraham, “Megpakang a kamno te mèpiya se ibegay ko kamno, so doen batà nikaw tomebaw, aw inangen ko sikona kemonaan te ontò medita otaw.”

Menge Hebreo 11:12

Pengkey migketemoay si Abraham, aw iling te eked sikandin pekebatà, meneng doen batà din timebaw, aw neinang sikandin kemonaan te ontò medita otaw igsà eked dan kebilang, iling te menge bitoen doton te langit aw iling te enay doton te dagat.

Genesis 25:11

Penga te pegkematay i Abraham, mèpiya se imbegay te Timanem diyà te batà din si Isaac, aw mig-ogpà sikandin doton medapag te Beer Lahai Roi.

Genesis 26:24

Pegkedelem niyan, migpekità se Timanem diyà kandin, aw minikagi sikandin, “Siaken se Timanem egseligan te amay no si Abraham. Ikà egkelemitan, so egdomaan ta. Mèpiya se ibegay ko diyà kamno, aw inangen ko ontò medita se bowad-bowad nikaw, so yan se impakang ko diyà ki Abraham gayed timolò kanak.”

Genesis 28:4

Ibeg ko, tomanen te Timanem se impakang din diyà ki Abraham amon tig-epoen no sipat te menge bowad-bowad no se tanà seini inogpaan tadon, sìyan tanà impakang din diyà ki Abraham.”

Genesis 32:13

Minidegà si Jacob kidoen. Pinemallì din se menge ayam-ayam din kidoen amon doen ibowang din diyà ki Esau.