Genesis 22:12 - Manobo Sarangani

¹² Minikagi se anghil, “Ikà egmeno te batà nikaw. Ikà egpeeleg kandin. Netegahan ko den te ontò ka egtolò te Timanem, so pengkey batà no temisa, meneng yan se ibegay no diyà kanak.”

Genesis 22:12 ပူးပေါင်းရင်းမြစ်များ

Genesis 20:11

Timaba si Abraham, “Mig-aneng-aneng a te wedad otaw dini egsagman te Timanem, aw yan doen otaw mengimatay kanak amon egawen dan se esawa ko.

Genesis 22:13

Penga niyan, doen karniro kinità i Abraham. Nekesaeng se seka din te sagbet. Inangay iyan i Abraham, aw inimetayan din aw sinonog din iyan inselilin te batà din.

Genesis 22:16

aw minikagi sikandin, “Ontò metoman se pakang ko seini, so siaken se Timanem minikagi diyà kamno. Ontò mèpiya se ibegay ko diyà kamno. So timolò ka kanak aw wedà no temengi se batà no temisa meneng imbegay no sikandin diyà kanak,

Genesis 22:2

Minikagi se Timanem, “Petekingi se batà no temisa si Isaac ontò no egkedekelan te pedowan, aw doton kaw te tanà te Moria. Tikedeg kaw te bontod tedoan ko kamno kidoen, aw imetayi sikandin aw sonogi se lawa din, so ibegay no sikandin diyà kanak.”

Genesis 26:5

Inangen ko iyan so timolò si Abraham kanak. Timolò sikandin te kedita te impunù aw intoladà ko diyà kandin.”

Genesis 42:18

Pegketagkas te telo se aldaw, minikagi si Jose diyà te menge kedowa din, “Egsagman a te Timanem, aw yan eked kaw imetayi aw seini se inangen niyo.

Mat. 16:24

Penga niyan, minikagi si Jesus diyà te menge tinoledaan din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Mat. 19:29

Aw timanan se otaw te kedònan din, aw kedowa din, aw amay din, aw inay din, aw batà din, aw pawà din, amon megpesakop diyà kanak, kominawà sikandin te ontong ginatos pa meelagà diyà te tinenanan din, aw begayan heman sikandin te kaling pedowan wedad temanan.

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

Roma 5:8

Meneng impetaga-taga te Timanem kenitadon te ontò dakel se pedowan din kenitadon, so dalem pa te eg-inang kidon te salà, insogò din si Jesu Cristo aw inimetayan sikandin amon megpelowà kenitadon lekat te pelumun.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

1 Korinto 10:13

Se tandà neokitan niyo, onawa iyan te tandà egkeokitan te menge doma otaw. Meneng egkeseligan se Timanem, so eked kaw din peokiti te tandà i Satanas eked niyo kebatog. Aw tendaen kaw, doen dalan inangen te Timanem amon mekelowà kaw, aw begayan kaw din heman te eneg amon meketayod kaw kenyan.

2 Korinto 8:12

Aw meagka se pedowan niyo, mèpiya aw ibegay niyo se taman te mebatog niyo, so eked kaw legesi memegay te labi pa dakel kenyan.

Menge Hebreo 11:19

Timolò sikandin, so aneng-aneng din, aw matay si Isaac, mekebatog se Timanem meg-antay kandin lekat te nematay. Iling te inantay sikandin te Timanem, so simpana wedà segdahi te Timanem si Abraham, megpedeleg sikandin te pegpengimatay din te batà din.

Menge Hebreo 12:28

Yan keilangan megpesiontong kidon diyà te Timanem so sinakop kidon din diyà te peglowan din eked palos kebàti. Keilangan megsimba kidon heman kandin onawa te ibeg din inangen tadon, aw megsagman kidon heman kandin,

Santiago 2:18

Meneng doen besi otaw eg-ikagi te meluba se Timanem aw olò memenal se otaw. Doen besi heman doma otaw eg-ikagi te meluba se Timanem aw olò meg-inang se otaw te mèpiya. Meneng seini se itaba ko kenyan. Aw wedad mèpiya eg-inangen niyo, wedad ipekità niyo te benal nemenal kaw ki Cristo. Meneng mèpiya aw ipekità tadon te nemenal kidon ki Cristo pineokit te peg-inang tadon te mèpiya.

Impekità 19:5

Penga niyan, doen minikagi kidoen medapag te onsedanan te peglowan, kagi din, “Kedita niyo egtolò te Timanem tadon aw kedita niyo egsagman kandin, pengkey sagkep aw melangkaw, duyuni niyo se Timanem.”