Genesis 21:23 - Manobo Sarangani

²³ Yan ibeg ko megsapà ka den diyà te Timanem te eked ka palos peg-akal kanak, menge batà ko, aw menge bowad-bowad ko. Gayed mèpiya se ininang ko diyà kamno, aw yan pegpakang ka den te gayed mèpiya se inangen no diyà kanak aw menge doma otaw eg-ogpà dini te tanà inogpaan nikaw.”

Genesis 21:23 ပူးပေါင်းရင်းမြစ်များ

Genesis 20:14

Penga niyan, in-olì i Abimelec si Sara diyà ki Abraham. Doen heman imbegay din diyà kandin, menge karniro, baka, aw allang.

Menge Hebreo 6:16

Aw meibeg se otaw megpetaga-taga te metoman se pakang dan, ipesipat dan diyà te pakang se ngadan te otaw labi pa melangkaw diyà kandan. Aw iling kenyan se inangen te otaw osayan, memenal se menge doma otaw te benal se pakang din.

2 Korinto 1:23

Na, wedà a deleg doton kenyo amon eked a pemegay kenyo te lidò pineokit te pegsagda ko kenyo. Labi pa mèpiya aw megselsel kaw te eked a pa doton. Pinemoyò ko se Timanem megsistigos te ontò benal se inikagi ko seini.

Genesis 31:53

Aw lèpangan ta se pakang seini, ipelumun ki te Timanem egseligan i Abraham aw si Nahor.” Penga niyan, migsapà heman si Jacob pineokit te ngadan te Timanem egseligan te amay din si Isaac.

Genesis 31:44

Mèpiya aw megpepekangay ki den. Mèpiya heman aw doen kekitaan inangen ta amon eked ta kelibeli se pakang ta.”

Genesis 26:28

Timaba dan, “Dimini kay so netegahan day den te gayed ka egtebangan te Timanem. Yan mig-aneng-aneng kay te mèpiya aw megpesepaay kidon. Ibeg day megpakang ka diyà kenami

Genesis 24:3

Ibeg ko megsapà ka pineokit te Timanem mig-inang te langit aw keneyonan. Pegpakang ka diyà kanak te eked no pemellii se bayi pengognanen te batà ko lekat te menge otaw eg-ogpà dini te Canaan.

Genesis 21:24

Minikagi si Abraham, “Yan se ipakang ko den diyà kamno.”

Genesis 47:31

Minikagi si Jacob, “Pegsapà ka kanak te yan se inangen nikaw.” Yan migsapà si Jose. Penga niyan, timikelong si Jacob kidoen te katri din, aw migpesiontong sikandin diyà te Timanem.

Genesis 39:3

Kinità te amo din te tinebangan sikandin te Timanem, aw tandà te tabang te Timanem, mèpiya se kedita te eg-inangen din.