Genesis 21:14 - Manobo Sarangani

¹⁴ Pegkeiselem niyan, limapos si Abraham nemegay te kànen aw sesalok nepenò te wayeg diyà ki Agar amon bebaen din, aw impekesayo din si Agar aw batà din. Dimoton dan te kebigtilan te Berseba, aw miglegeb-legeb dan kidoen.

Genesis 21:14 ပူးပေါင်းရင်းမြစ်များ

Juan 8:35

Eked gayed peg-ogpà se allang diyà te balay te amo din te wedad temanan. Meneng se batà, mepakay aw gayed sikandin meg-ogpà diyà te balay te amay din te wedad temanan.

Genesis 26:31

Pegkeiselem niyan, migpesepaay dan. Penga niyan, impekesayo dan i Isaac te melinaw se pedowan te kedita dan.

Genesis 25:6

Meneng te wedà pa kematay si Abraham, doen heman imbowang din diyà te menge batà te menge doma esawa din. Penga niyan, impekesayo din dan pesalo doton te eglibtakan te aldaw amon eked dan pegsamok te batà din si Isaac.

Genesis 21:31

Yan se doun te iningedanan se ogpeanan sìyan Berseba (kelebadan niyan, sokian te pakang), so migpepekangay dan kidoen.

Genesis 16:7

Doen anghil te Timanem migpekità diyà ki Agar kidoen te kebigtilan medapag te selep doton te dalan pesalo doton te lonsod te Sur.

Genesis 46:1

Nayan, miglolan si Jacob te kedakel te kedònan din, aw nesayo dan lekat te Canaan. Pegdateng dan doton te Berseba, doen ayam-ayam inimetayan i Jacob aw sinonog din amon segmanen din se Timanem iling te pegsagman te amay din si Isaac te Timanem.

Genesis 37:15

miglegeb sikandin aw nengemahà te menge kedowa din. Doen otaw kimità kandin aw mig-insà aw eden se inahà din kidoen.

Genesis 26:33

Iningedanan i Isaac se sokian sìyan Seba, aw lamig songkani iningedanan se lonsod kidoen Berseba (kelebadan niyan, sokian te pakang).

Genesis 24:54

Penga niyan, kimaen sikandin sipat te menge doma otaw timaking kandin, aw minidegà dan kidoen. Pegkeiselem niyan, minikagi se sineligan, “Ibeg ko, mesayo kay den amon molì a doton te amo ko.”

Genesis 22:19

Penga niyan, limikò si Abraham aw si Isaac doton te didowa sineligan, aw minolì dan doton te Berseba, aw mig-ogpà dan kidoen.

Genesis 22:3

Pegkeiselem niyan, limapos si Abraham nengayo, aw inlolan din iyan diyà te asno din. Impetaking din se batà din si Isaac aw dowa sineligan din, aw nesayo dan pesalo doton te tanà sinogoan te Timanem kandin.

Genesis 21:33

Penga niyan, nenanem si Abraham te kayo tamarisko doton te Berseba, aw migtawal-tawal sikandin diyà te Timanem wedad temanan.

Genesis 19:27

Pegkeiselem niyan, limapos si Abraham doton te pemebongan pinemoyoan din diyà te Timanem.

Genesis 21:13

Inangen ko heman dakel pongan se menge bowad-bowad te batà te allang, so batà no heman sikandin.”

Genesis 21:15

Pegkeamin te wayeg inibing dan, timanan si Agar te batà din doton te pinonoan te kayo mebabà.

Genesis 28:18

Pegkeiselem niyan, inabat i Jacob se bato inolonan din, aw impetindeg din iyan amon inangen din iyan kekitaan. Penga niyan, tinoyongan din iyan te lana te olibo, so yan se pengilala te ininang din iyan simbahan te Timanem.