Genesis 21:11 - Manobo Sarangani

¹¹ Ontò nepuluk se pedowan i Abraham tepad kenyan, so batà din heman si Ismael.

Genesis 21:11 ပူးပေါင်းရင်းမြစ်များ

Menge Hebreo 12:11

Aw toledaan kidon te Timanem, mepuluk se pedowan tadon so melima se keokitan tadon. Meneng penga te pegtoladà din kenitadon, aw meleseb se peg-iling tadon, yan doen ontong tadon, so megkelinaw se pedowan tadon, aw megkebiyasa kidon meg-inang te metòlid.

Genesis 17:18

Minikagi sikandin diyà te Timanem, “Ibeg ko si Ismael peden heman se begayan no te mèpiya.”

Mat. 10:37

“Aw mikagi se otaw te dakel se pedowan din diyà kanak, meneng labi pa dakel se pedowan din diyà te amay aw inay din, eked kepakay megpesakop diyà kanak. Aw mikagi se otaw te dakel se pedowan din kanak, meneng labi pa dakel se pedowan din diyà te batà din, eked kepakay megpesakop diyà kanak.

Genesis 21:12

Meneng minikagi se Timanem diyà ki Abraham, “Ikà egkepuluk tepad te telaki aw allang no si Agar. Tolò ka te impunù i Sara kamno, so se menge bowad-bowad te batà no si Isaac, yan olò se eneng-enengen ko te ontò bowad-bowad nikaw.