Genesis 20:6 - Manobo Sarangani

⁶ Minikagi se Timanem diyà kandin pineokit te tegeinep, “Ee. Netegahan ko te wedad medaet ibeg te pedowan no te peg-inang no kenyan, aw yan se doun te migsagda a kamno amon eked ka peg-inang te salà diyà kanak. Binelebagan ko se pegpedapag no diyà kandin.

Genesis 20:6 ပူးပေါင်းရင်းမြစ်များ

Genesis 35:5

Pegkesayo i Jacob aw pamilya din, wedad otaw mig-alaw kandan, so migpeso se kedita te otaw mig-ogpà doton te menge lonsod medapag kidoen tandà te peglamit te Timanem kandan.

Genesis 31:7

Meneng gayed a din beling inekalan, so mekesempolò din todai se pakang din tepad te itandan din diyà kanak. Meneng pineokit te tabang te Timanem kanak, wedà a din peelegi.

2 Tesalonika 2:7

Doen den eg-inangen te Olo te Medaet, meneng iling te eles-eles se peg-inang din, so eked sikandin kitai singed aw meabat se egpekebelabag kandin.

2 Korinto 6:17

Yan se doun te inikagi te Timanem, “Ikà niyo egdoma te menge otaw kenà egtaking kanak. Ikà niyo eg-inabut te medaet ketanem dan. Aw tenanan niyo iyan, somongon a kenyo.

Genesis 39:9

Iling te onawa se kelangkaw ko diyà te kelangkaw din dini te balay seini. Wedad palos wedà din seligi diyà kanak olò sikona, so esawa ka din. Eked kepakay aw meg-inang a te medaet iling kenyan. Eked kepakay aw meg-inang a te salà diyà te Timanem.”

Genesis 20:18

Pinegolì dan te Timanem, so doen tapay ininang din diyà kandan amon eked dan peglaman tandà te pegpengabat i Abimelec te esawa i Abraham si Sara.

2 Tesalonika 2:11

Yan se doun te doen isogò te Timanem meg-akal kandan amon memenal dan te kebolalaw.

1 Korinto 7:1

Nayan, seini se meikagi ko tepad te insà insolat niyo kanak. Aw eked pengognan se otaw, mèpiya iyan.

Genesis 26:11

Penga niyan, migpunù si Abimelec diyà te kedita te sakop din, “Aw doen otaw meg-inang te medaet diyà te otaw seini aw esawa din, yan se imetayan.”

Genesis 3:3

Meneng minikagi se Timanem te keilangan eked kay kaen te pongo te kayo doton te tengà-tengà te kekeyowan, aw keilangan eked kay pemaed kenyan, so matay kay.”

Mat. 27:19

Dalem te pegpenenoo i Pilato doton te oseyanan, doen otaw insogò te esawa din amon ikeliwat se kagi din, “Ikà eg-inabut te otaw sìyan, so wedad salà din. Ontò nelemitan se pedowan ko tepad kandin pineokit te tegeinep tidelem.”

Genesis 31:24

Te wedà dan pa pekesaeb kandin, migpekità se Timanem diyà ki Laban te delem pineokit te tegeinep, aw minikagi sikandin, “Peg-ahà ka. Ikà egleges ki Jacob.”