Genesis 20:5 - Manobo Sarangani

⁵ Si Abraham se minikagi diyà kanak te etebay din sikandin, aw minikagi heman se bayi te telekedowa dan. Pegpengabat ko kandin, wedad palos medaet ibeg te pedowan ko, aw wedad palos salà ininang ko.”

Genesis 20:5 ပူးပေါင်းရင်းမြစ်များ

1 Timoteo 1:13

Kedengan te wedà a pa pemenal, migtompuyus a kandin, aw nemilang a te menge sakop din, aw nebensi a kandan. Meneng neidowan a din pa, so peg-inang ko kenyan, wedà a pa pemenal kandin, aw yan wedà ko ketegahi te medaet se ininang ko sìyan.

1 Tesalonika 2:10

Netegahan niyo aw netegahan heman te Timanem te wedad palos mekesila te ininang day diyà kenyo egpemenal, so timolò kay te ibeg te Timanem aw metòlid se ininang day.

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

Genesis 12:13

Yan ikagi ka kandan te telekedowa ki amon eked a dan imetayi, meneng segmanen a dan beling so etebay ta.”

Genesis 20:13

Kedengan te pegpekesayo te Timanem kanak lekat te lonsod inogpaan te amay ko, minikagi a diyà te esawa ko aw ontò a din egkeidowan, yan keilangan mikagi sikandin diyà te kedita te otaw te telekedowa kay.”

Genesis 20:16

Minikagi heman sikandin diyà ki Sara, “Sebad melalan se kwarta plata imbegay ko den diyà te kedowa nikaw. Yan se pengilala amon metaga-taga se kedita te sakop no te wedad salà ko diyà kamno, aw ontò ka den neosayan.”