Genesis 20:17 - Manobo Sarangani

¹⁷ Penga niyan, migtawal-tawal si Abraham diyà te Timanem, aw pinegolì te Timanem si Abimelec, aw esawa din, aw menge allang din bayi amon todà dan megbatà.

Genesis 20:17 ပူးပေါင်းရင်းမြစ်များ

Santiago 5:16

Aw doen salà ininang niyo diyà te doma otaw, keilangan meg-indan kaw kandin amon pegwedaden din. Pegtawal-tawal kaw heman tepad te menge doma niyo amon kegolian dan, so ontò dakel se mebatog te pegtawal-tawal te otaw eneng-enengen te Timanem te metòlid.

Filipos 4:6

Pengkey eden se domateng kenyo, ikà niyo palos egketetana. Meneng pegtawal-tawal kaw tepad te kedita diyà te Timanem. Pemoyoi niyo diyà kandin se kedita te kelidoan niyo. Pegpesiontong kaw heman kenyan diyà kandin.

1 Tesalonika 5:25

Menge kedowa day, pegtawal-tawal kaw heman diyà te Timanem tepad kenami.

Mat. 21:22

Aw megtawal-tawal kaw diyà te Timanem, aw somalig kaw diyà kandin, metoman kaw din begayan te kedita te pemoyoen niyo.”

Mat. 7:7

“Aw memoyò kaw diyà te Timanem, begayan kaw din. Aw mengemahà kaw, doen kitaen niyo. Aw tomawal kaw doton te lelebangan, ipeawop kaw.

Genesis 29:31

Pegketaga-taga te Timanem te deitek se pedowan i Jacob diyà ki Lea, impebatà din si Lea. Meneng wedà beling peglaman si Raquel.

Genesis 20:7

Nayan, olii se bayi diyà te esawa din. Si Abraham se telekeliwat te kagi ko, aw megtawal-tawal sikandin tepad kamno amon eked ka kematay. Meneng aw eked no sikandin olii, metoman ka matay sipat te kedita te sakop nikaw.”

Ininang 3:24

“Kedita te telekeliwat te kagi te Timanem gebii, si Samuel aw menge doma telekeliwat neketetondog kandin, minikagi se kedita dan tepad te netoman den seini.

Genesis 12:17

Meneng so impeogpà te selotan se esawa i Abram si Sarai doton te balay din, doen menge medaet mesakit imbegay te Timanem diyà te selotan aw kedita te doma otaw mig-ogpà kidoen te balay din.